07.11.2024 | 19:23
Հայաստան է ժամանել Գունշտեյն Բրուասդալը. քննարկվել են Հայաստան-ՆԱՏՕ համագործակցությանն առնչվող հարցեր
Ֆիլիպիններում հրդեհը ոչնչացրել է ավելի քան 148․6 հազար դեղաչափ կորոնավիրուսի դեմ պատվաստանյութ
Քաղաքականություն
02.11.2021 | 13:30
Ֆիլիպիններում հրդեհը ոչնչացրել է տարբեր արտադրողների ավելի քան 148․6 հազար դեղաչափ կորոնավիրուսի դեմ պատվաստանյութ։ Այս մասին առցանց ճեպազրույցի ժամանակ հայտնել է երկրի նախագահի մամուլի քարտուղար Հարի Ռոկեն, փոխանցում է korrespondent-ը։
Միաժամանակ, համաձայն երկրում Կորոնավիրուսի դեմ պայքարի թիրախային խմբի տվյալների՝ հրդեհը ոչնչացրել է AstraZeneca պատվաստանյութի 9․176 դեղաչափ, Moderna-ի՝ 14․400, Sinovac-ի ՝ 36․164 և Pfizer-ի 88․938 դեղաչափ: Նշվում է, որ Moderna-ի պատվաստանյութը նախատեսված է եղել 12-17 տարեկան երեխաների իմունիզացիայի համար, որը պետք է սկսեին կիրառել նոյեմբերի 3-ից։
Մինչ օրս Ֆիլիպիններում վարակվածների ընդհանուր թիվը գերազանցել է 2․79 միլիոնը, ապաքինվել է ավելի քան 2․7 միլիոն մարդ, մահացել՝ 43․2 հազար հիվանդ։ Երկրում ամբողջությամբ պատվաստվել է ավելի քան 27․3 միլիոն մարդ։
Հիշեցնենք՝ ավելի վաղ Ֆիլիպինների նախագահն առաջարկել էր քնած ժամանակ պատվաստել նրանց, ովքեր չեն ցանկանում պատվաստվել։
Տաթև Ֆռանգյան
