14.10.2026 | 21:45
Սահմանադրական դատարանի նախագահի նոր ընտրությունը կանցկացվի
Ռուսական ռազմական խմբավորումը մեր պետության անվտանգության կարևորագույն բաղադրիչներից մեկն է․ Միհրան Հակոբյան․ ՏԵՍԱՆՅՈՒԹ
30.03.2018 | 18:20
«Ռուսաստանը ռազմական ոստիկանություն ստեղծել է համեմատաբար վերջերս՝ 2011 թվականին, մինչ այդ զինվորական հանցագործությունների խնդիրը փորձել են կարգավորել կամենդատուրաների միջոցով։ Հետո նրանք գնացին այն ճանապարհով, որով մենք ավելի շուտ էինք գնացել՝ ստեղծեցին զինվորական ոստիկանություն»,-այսօր կազմակերպված քննարկման ժամանակ ասաց Ազգային ժողովի «Հանրապետական» խմբակցության պատգամավոր Միհրան Հակոբյանը և ընդգծեց, որ Գյումրիում ռուսական 102-րդ ռազմաբազայի վերաբերյալ ստորագրված պայմանագրի մեջ ռազմական ոստիկանության տեղակայման դրույթ չի եղել, քանի որ ռազմական ոստիկանություն այն ժամանակ ռուսական կողմը չի ունեցել, հետևաբար, հիմա է առաջացել անհրաժեշտություն ռազմական ոստիկանության տեղակայման վերաբերյալ նոր պայմանագիր ստորագրելու։
Պատգամավորի համոզմամբ՝ Հայաստանում ռուսական ռազմական ոստիկանության տեղակայումը պետք է, սակայն նրան տրվող կարգավիճակը քննարկման առարկա պետք է դառնա երկու պետությունների համար․ «Իրենց զինվորների կարգուկանոնով ռազմական ոստիկանությունը պետք է զբաղվի, դա իրենց գործն է»,-ասաց պատգամավորը և հավելեց, որ ռուսական ռազմական խմբավորումը մեր պետության անվտանգության կարևորագույն բաղադրիչներից մեկն է, և ինքն այս հարցում վտանգներ բացարձակապես չի տեսնում։
Ամբողջությամբ՝ տեսանյութում
