Ինչ պայմաններում են զինծառայողները պահում սահմանը. ԱԱԾ-ն բարձրաձայնում է թերությունների մասին․ ՏԵՍԱՆՅՈՒԹ

Լուրեր

17.11.2026 | 18:49
Թուրքիայի դատարանն ընդդիմադիր Sözcü TV-ն պետական ​​վերահսկողությանն է փոխանցել․ ոստիկանությունը ձերբակալել է ղեկավարներին
17.11.2026 | 18:28
Թրամփը հայտարարել է, որ Վաշինգտոնի վրա հարձակման դեպքում Իրանը շատ մեծ գին կվճարի
17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 18:15
Խցանումներից խուսափելու համար քննարկվում են կենտ ու զույգ համարներով երթևեկության սահմանափակումներ և տուգանքների խստացում․ Ավինյան
17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
17.11.2026 | 18:02
Բրազիլիայի հավաքականը խփեց 7 գոլ, Վինիսիուսի հեթ-տրիկը. ՏԵՍԱՆՅՈՒԹ
17.11.2026 | 17:54
Կատարը նախազգուշացրել է՝ Իրանի հարձակումը Բահրեյնում ԱՄՆ ռազմաբազայի վրա սպառնում է խաղաղ բանակցություններին
17.11.2026 | 17:45
Ընկերությունները կարող են քրեական պատասխանատվության ենթարկվել, նույնիսկ եթե հանցանք կատարած անձը հայտնի չէ․ ԱՆ-ի նոր առաջարկը
17.11.2026 | 17:37
ՔՊ-ից մի հոգի է ցավակցություն հայտնել․ Նարեկ Կարապետյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 17:28
Հայաստանում կարող են վերանայվել բենզալցակայանների՝ բնակելի շենքերից հեռավորության և հողատարածքի նվազագույն մակերեսի պահանջները
17.11.2026 | 17:17
«Վերահաստատեցինք՝ համեղ ծիրանները հայկական են»․ դեպի ԵՄ երկրներ հայկական արտադրանքի արտահանումն աճում է․ Միրզոյանը հանդիպել է Մաթա Կոսի հետ
17.11.2026 | 17:07
Հայաստանի Մ-17 հավաքականը ոչ-ոքի խաղաց Լյուքսեմբուրգի հետ. ՏԵՍԱՆՅՈՒԹ
17.11.2026 | 17:00
Երևանի փողոցներում լքված գույքը կտեղափոխվի հատուկ տարածք․ սեփականատերերին 6 ամիս ժամանակ կտրվի՝ այն հետ պահանջելու համար
17.11.2026 | 16:52
Սկսվել է «Տիգրան ջան, սիրուն չի» օպերացիա. Գևորգ Ստեփանյան․ ՏԵՍԱՆՅՈՒԹ
17.11.2026 | 16:40
Մուսաևը 6 անգամ կրակել է Անի Ավետիսյանի ուղղությամբ, ապա գցել մահճակալին և հարվածներ հասցրել. հրապարակվել է Շաքի ներխուժած ադրբեջանցու մեղադրական եզրակացությունը
Բոլորը

Սյունիքի սահմանները 44-օրյա պատերազմից հետո դեռ ամբողջությամբ կահավորված չեն: Պատերազմից մեկ տարի անց զինծառայողները շարունակում են ծառայությունը վրաններում և տնակներում: ԱԱԾ տնօրենի տեղակալն է հայտարարում՝ սահմանը պահողների համար լավ պայմաններ դեռ ապահովված չեն:

Մարտական դիրքերի կահավորման խնդիրն այնքան ակնառու է, որ հրապարակավ հարցեր են հնչեցնում նաև իշխանական «Քաղաքացիական խմբակցության» պատգամավորները: Սյունիքից ընտրված ՔՊ-ական պատգամավոր Արմեն Խաչատրյանի բարձրաձայնած մտահոգություններին ի պատասխան՝ հատուկ ծառայության փոխտնօրեն Արամ Հակոբյանը հայտնեց՝ մինչև նոյեմբերի վերջ ԱԱԾ-ն կավարտի սահմանային հատվածներում բոլոր տնակների տեղադրումը:

Նախորդ տարի պատերազմում պարտվելուց հետո հարավային սահմանը հետ է քաշվել, տեղեկացնում է Արամ Հակոբյանը և նշում, որ Սյունիքի այդ հատվածում ներգրավված են ավելի շատ զինծառայողներ, այդ թվում՝ ժամկետային, որոնք նախկինում չեն եղել: ԱԱԾ տնօրենի տեղակալն ասաց՝ նրանց թիվը չի կարող հայտնել, սակայն բավականին մեծ է։

«Պատիվ ունեմ» խմբակցության պատգամավոր Տիգրան Աբրահամյանը բարձրացրեց սահմանապահ զորքերի և պայմանագրային զինծառայողների աշխատավարձի հարցը՝ նշելով, որ վերջիններս այժմ բավական ծանր պայմաններում են ծառայություն իրականացնում:

Պարզվում է՝ սահմանապահները ցածր աշխատավարձի պատճառով նախընտրում են դիմում գրել և հեռանալ: Այս մասին հայտնում է Արմեն Աբազյանի տեղակալն ու նշում, որ այժմ պայմանագրայինները ստանում են 160 հազար դրամ, ԱԱԾ-ում քննարկում են աշխատավարձը 210-220 հազարի հասցնելու հնարավորությունը։

Ինչ իրավիճակ է այժմ հայ-ադրբեջանական՝ շուրջ 150 կմ-անոց հատվածում․ հատուկ ծառայության ղեկավարը լրագրողների հարցերին ի պատասխան՝ մանրամասներ չի փոխանցում: Փոխարենը Արամ Հակոբյանը պնդում է, որ Ադրբեջանի վերահսկողության տակ անցած Գորիս-Կապան միջպետական նշանակության ավտոճանապարհն անվտանգ է:

Ճանապարհով անցած և դրա անվտանգության մասին հավաստիացնող ԱԱԾ բարձրաստիճան պաշտոնյան, սակայն, տեղյակ չէր, որ իր մատնանշած ճանապարհին սեպտեմբերի 18-ին զինված ու դիմակավորված ադրբեջանցիները, որոնց ԱԱԾ տնօրենի տեղակալը հարևան պետության ներկայացուցիչներ է անվանում, կանգնեցրել էին պատանի ֆուտբոլիստների ավտոբուսն ու դանակով ջնջել Արցախի դրոշը:

Սեպտեմբերի 19-ն էլ Քասախի երկու բնակիչ էր առևանգվել նույն այդ անվտանգ ճանապարհին․ նրանք հայկական կողմին վերադարձվեցին միայն ռուսական կողմի բանակցությունների արդյունքում: Ի տարբերություն ԱԱԾ տնօրենի տեղակալի՝ ոստիկանապետի տեղակալ Արա Ֆիդանյանը խոստովանում է, որ Գորիս-Կապան ճանապարհին խնդիրներ կան: Դիտարկմանը, որ ադրբեջանցիները վերջերս մի քաղաքացու կանգնեցրել էին, երկար ստուգել, ապա հարվածել էին մեքենային, փոխոստիկանապետն արձագանքեց․ «Ցավոք՝ այո՛, նման բան եղել է։ Այստեղ պետք է կանոնակարգում իրականացվի միջազգային փաստաթղթերի հիման վրա: Այսինքն, այն հատվածը, որը ՀՀ տարածքում չի դիտարկվում, պայմանավորվածություն կա, որ ճանապարհային պատահարների դեպքում ոստիկանությունն է զբաղվում»:

Հայ-ադրբեջանական սահմանին, Սյունիքում և Գեղարքունիքում տիրող իրավիճակի, ինչպես անվտանգությանն առնչվող այլ հարցերի պատասխանները ստանալ չհաջողվեց հանձնաժողովի նիստին ներկա պաշտպանության նախարար Արշակ Կարապետյանից: Պաշտպանական գերատեսչության ղեկավարը, որն ԱԺ էր եկել հարկատուներից նախարարության համար գումար խնդրելու, չցանկացավ նույն քաղաքացիներին մտահոգող հարցերին պատասխանել: Արշակ Կարապետյանն ԱԺ ժամանեց և հեռացավ թիկնազորի ուղեկցությամբ:

Զինված ուժերի Գլխավոր շտաբի կազմակերպչական-զորահավաքային վարչության պետ, գեներալ-մայոր Ալբերտ Բաղդասարյանը ևս հրաժարվեց հարցերի պատասխանել:

Պաշտպանական գերատեսչությունից հարցեր ուղղելու հնարավոր եղավ միայն փոխնախարար Կարեն Բրուտյանին, բայց նա էլ միայն արձագանքեց՝ կոմպետենտ չէ:

Հանրությանը հաշվետու լինելու խոստումներով իշխանության եկած ուժի նման գործելոճն արդեն նորմալ է դառնում և հարց է առաջանում՝ իսկ ՀՀ կառավարությունում առհասարակ կա՞ կոմպետենտ պաշտոնյա։

Մանրամասները՝ տեսանյութում։

Նարեկ Կիրակոսյան