09.09.2026 | 18:00
«Հովանավորել են ծառահատումները»․ հայտնի է՝ ինչու է Հակակոռուպցիոնը մտել էկոպարեկային ծառայություն
Ամեն ինչ անելու ենք, որ մարդիկ փողոց դուրս գան. Արարատ Միրզոյան
Քաղաքականություն
30.03.2018 | 17:37
«Քաղաքացիական պայմանագիր» կուսակցության անդամ, ԱԺ պատգամավոր Արարատ Միրզոյանը հայտարարում է՝ Հայաստանի իրականությանն անծանոթ պայքարի մեթոդներ են կիրառելու Սերժ Սարգսյանի վարչապետության դեմ ուղղված իրենց գործողություններում:
«Մանրամասներ ասել չեմ կարող, պարզապես կարող եմ նշել՝ և՛ փողոց փակելը, և՛ քաղաքացիական անհնազանդության զանզազան գործողությունները մեր ծրագրի մաս կարող են լինել»,-Factor.am-ի հետ զրույցում ասաց ընդդիմադիր պատգամավորը:
Հիշեցնենք՝ «Քաղաքացիական պայմանագիր» կուսակցությունը վաղը կհրապարակի «14+4» անվանումն ստացած գործողությունների ծրագիրը՝ նպատակ ունենալով այդ ծրագրի իրականացմամբ խոչընդոտել Սերժ Սարգսյանին ստանձնել վարչապետի պաշտոնը:
Factor.am-ի հարցին՝ վարչապետ ընտրելը Հանրապետական կուսակցության սահմանադրական իրավունքն է, պատկերացնո՞ւմ են նրանց խոչընդոտելու հետևանքները, Միրզոյանը պատասխանեց. «Փողոց դուրս գալ և որևէ հարցով կամք արտահայտելն էլ ժողովրդի սահմանադրական իրավունքն է: Ժողովուրդը իրավունք ունի ամեն վայրկյան, ամեն հարցով դուրս գալ փողոց և իր կամքն արտահայտել»:
Ինչ վերաբերում է իրավապահների գործողություններին, ապա ըստ պատգամավորի, շատ դժվար է հազարավոր քաղաքացիների հեռացնելը, եթե նրանք չուզենան հեռանալ:
Հարցազրույցն ամբողջությամբ՝ տեսանյութում:
Շողիկ Գալստյան
