08.06.2026 | 14:30
Ուկրաինայի Գերագույն ռադայի նախագահը շնորհավորել է Ալեն Սիմոնյանին ընտրություններում տարած հաղթանակի առիթով
ԱՄՆ-ում հայ, հույն, քուրդ, ասորի խաղաղ ցուցարարների վրա հարձակման գործով 2 թուրք է ձերբակալվել
Քաղաքականություն
15.06.2017 | 10:53
ԱՄՆ-ում երկու թուրք է ձերբակալվել Թուրքիայի նախագահ Ռեջեփ Թայիփ Էրդողանի վերջին այցի ժամանակ Վաշինգտոնում Թուրքիայի դեսպանատան մոտ տեղի ունեցած ծեծկռտուքին մասնակցելու համար: Այս մասին հայտարարել է ԱՄՆ ոստիկանությունը. հայտնում է The Guardian-ը։
«Սինան Նարինը ձերբակալվել է Վիրջինիայում, Էյուփ Յըլդըրըմը՝ Նյու Ջերսիում։ Նրանք մեղադրվում են խաղաղ ցուցարարների վրա հարձակվելու համար»,- ասված է ոստիկանության կարճ հայտարարության մեջ:
Չի հստակեցվում`ձերբակալվածները Էրդողանի աջակիցնե՞րն են, թե՞ նրա անվտանգության աշխատակիցները:
Ոստիկանությունը պարզել է ծեծկռտուքի 42 մասնակիցներից 34֊ի ինքնությունը։ Առաջիկայում նոր ձերբակալությունները չեն բացառվում։
Հիշեցնենք, որ մայիսի 17-ին Թուրքիայի նախագահ Ռեջեփ Թայիփ Էրդողանի՝ ԱՄՆ կատարած պաշտոնական այցի դեմ բողոքարկող խաղաղ ցուցարարների վրա էրդողանամետ խումբը հարձակում էր իրականացնել: Ցույցին մասնակցել էին հայ, հույն, քուրդ, ասորական համայնքների ներկայացուցիչներ։
Ինչպես ավելի վաղ հայտնել էր Factor.am-ը, ԱՄՆ կոնգրեսական Թեդ Պոն դատապարտել էր տեղի ունեցածը՝ նշելով. «Թուրքիայի նախագահ Էրդողանն իր հետ Վաշինգտոն է բերել մարդու իրավունքների ոտնահարման իր դաժան «սովորույթը»: Բայց մենք թույլ չենք տա, որ օտարերկրյա մի բռնակալ անհետևանք խախտի այդ սրբազան իրավունքներն ամերիկյան հողի վրա»:
