04.02.2026 | 11:11
2025-ին պետության փաստացի տիրապետմանն է վերադարձվել շուրջ 66 միլիարդ 934 միլիոն դրամ արժեքով գույք․ Դատախազություն
Իջևան-Նոյեմբերյան ճանապարհին վառելափայտով բեռնված բեռնատարը կողաշրջվել է և ամբողջովին այրվել
15.06.2017 | 10:12
Արտակարգ իրավիճակների նախարարություն հունիսի 15-ին՝ ժամը 03:05-ին, տեղեկություն է ստացվել, որ Իջևան-Նոյեմբերյան ավտոճանապարհի 2-րդ կմ-ին տեղի է ունեցել ՃՏՊ, բախվել են ավտոմեքենաներ, տուժածներ չկան. անհրաժեշտ է փրկարարների օգնությունը:
Ինչպես տեղեկացնում է ԱԻՆ-ը, դեպքի վայր է մեկնել մեկ մարտական հաշվարկ: Պարզվել է, որ Մ-4 ավտոճանապարհի Իջևան-Նոյեմբերյան հատվածի 2-րդ կմ-ին բախվել են «ԶԻԼ» մակնիշի 35 CA 973 պետհամարանիշով բեռնատարը (վառելափայտով բարձած) և «Mitsubishi Pajero» մակնիշի 13 LU 041 պետհամարանիշով ավտոմեքենան, այնուհետև բեռնատարը կողաշրջվել է, բռնկվել և ամբողջովին այրվել:
Հրդեհը մեկուսացվել է ժամը 04:15-ին, մարվել՝ 04:23-ին:
Փրկարարներն իրականացրել են վառելիքաքսուքային նյութերից ավտոճանապարհի լվացման աշխատանքներ:
