30.07.2026 | 13:27
Ով է փոխարինելու Ռուբինյանին հայ-թուրքական բանակցություններում. Փաշինյանի պատասխանը․ ՏԵՍԱՆՅՈւԹ
Տասնամյակը մեկ գրանցվող ծայրահեղ ջերմային ալիքներն ամենամյա երևույթ կդառնան․ գիտնականները նախազգուշացնում են
Քաղաքականություն
29.10.2021 | 23:30
Ծայրահեղ ջերմային ալիքները, որոնք գրանցվում են տասնամյակը մեկ անգամ, այժմ կարող են ամենամյա երևույթ դառնալ։ Այս մասին գրում է Phys.org-ը՝ վկայակոչելով Էդինբուրգի համալսարանի գիտնականների հետազոտությունը։
«Այս ամռանը Կանադայում և ԱՄՆ-ում գրանցված ռեկորդային ջերմային ալիքները մեզ ցույց են տալիս, թե ինչպիսին կլինի ավելի տաք աշխարհը»,- ասել է զեկույցի համահեղինակ Ռոս Սլեյթերը:
Մասնագետների կարծիքով՝ մոլորակի բազմաթիվ տարածքներում առավելագույն ջերմաստիճանը կարող է աճել վեց աստիճանով՝ ըստ Ցելսիուսի: Նրանք նման եզրակացության են եկել՝ ուսումնասիրելով կլիմայական վերջին տվյալները։
Գիտնականները մոդելավորել են գլոբալ տաքացման երկու սցենար․ մի դեպքում՝ մարդկությունը կհասնի 1,5-2 աստիճանով ջերմաստիճանի բարձրացումը զսպելու նպատակին, որը նախատեսված է Փարիզի համաձայնագրով, իսկ մյուս դեպքում՝ Երկրի կլիման ավելի կտաքանա՝ միջինը երեք աստիճանով:
Նրանք պարզել են, որ երկու դեպքում էլ տարեկան ծայրահեղ ջերմաստիճանը կբարձրանա գրեթե ամբողջ մոլորակում՝ բացառությամբ մի քանի շրջանների: Հարավային Եվրոպան, Ասիան, Հարավային Ամերիկան և Արկտիկան ամենից շատ կտուժեն։
Գիտնականները եզրափակել են, որ առաջին սցենարի դեպքում ջերմային ալիքները 3 անգամ ավելի կգրանցվեն, իսկ երկրորդ սցենարի դեպքում՝ 8 անգամ։
Տաթև Ֆռանգյան
