30.04.2026 | 22:19
Հայաստանի պետական սիմֆոնիկ նվագախմբի և Լա Սկալայի օպերային թատրոնի համագործակցությունը՝ Օմանում
ԵՄ-ն մերժում է Կիպրոսի թուրքերի անջատողական միավորումն օրինականացնելու՝ Թյուրքական պետությունների կազմակերպության բազմակի փորձերը․ Բորել
Քաղաքականություն
07.11.2024 | 16:21
ԵՄ-ն մերժում է Թյուրքական պետությունների կազմակերպության բազմակի փորձերը՝ օրինականացնելու Կիպրոսի թուրքերի անջատողական միավորը որպես, այսպես կոչված, միջազգայնորեն չճանաչված «Հյուսիսային Կիպրոսի թուրքական Հանրապետություն»՝ կազմակերպությանը երկրին դիտորդի կարգավիճակ տրամադրելու միջոցով, այդ թվում՝ երեկ Բիշքեկում տեղի ունեցած գագաթնաժողովում։ Այս մասին ասվում է ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելի հայտարարության մեջ։
«Այս փորձերն ափսոսանք են առաջացնում և հակասում են ՄԱԿ-ի կանոնադրությամբ ամրագրված տարածքային ամբողջականության սկզբունքին կազմակերպության մի քանի անդամների ամուր աջակցությանը: ԵՄ-ն կրկնում է, որ ճանաչում է միայն Կիպրոսի Հանրապետությունը որպես միջազգային իրավունքի սուբյեկտ՝ համաձայն ՄԱԿ-ի Անվտանգության խորհրդի համապատասխան բանաձևերի»,- ասվում է հայտարարության մեջ։
Հավելենք, որ Անկարայի կողմից ճանաչված Հյուսիսային Կիպրոսի ղեկավար Էրսին Թաթարը մասնակցել է նախօրեին Ղրղզստանում անցկացված Թյուրքական պետությունների կազմակերպության գագաթնաժողովին։
Թուրքիայի նախագահ Ռեջեփ Թայիփ Էրդողանն իր ելույթում ասել է, որ Հյուսիսային Կիպրոսի ներկայությունը գագաթնաժողովում՝ որպես պատվավոր հյուր, կազմակերպության համերաշխության կամքի դրսևորումն է։
«Ակնկալում ենք, որ նրանք շուտով կդառնան լիարժեք անդամ։ Թուրքական աշխարհը պատասխանատվություն է կրում Կիպրոսի խնդրի արդար լուծման համար»,- հայտարարել է Թուրքիայի նախագահը։
Թարգմանությունը՝ Էմմա Չոբանյանի
