07.10.2026 | 12:28
Իսպանացի մրցավարը որակազրկվել է պատանեկան ԵԱ-ում հայ բռնցքամարտիկների մենամարտերում սխալ որոշումների համար
Մակրոնը Ֆրանսիայի լիակատար աջակցությունն է հայտնել Փաշինյանի «Խաղաղության խաչմերուկ» նախագծին
Քաղաքականություն
07.11.2024 | 16:02
Ֆրանսիան լրջորեն շահագրգռված է Հայաստանի և Ադրբեջանի միջև արդար ու կայուն խաղաղության հաստատմամբ, հայտարարել է Ֆրանսիայի նախագահ Էմանուել Մակրոնը։
«Մենք նաև շահագրգռված ենք Հարավային Կովկասի տարածաշրջանում կայունությամբ և Հայաստանի ու Ադրբեջանի միջև արդար և կայուն խաղաղության հաստատմամբ։ Եվ ես ուզում եմ շնորհակալություն հայտնել ձեր ջանքերի համար, որոնց Ֆրանսիան լիովին աջակցում է»,- նշել է Մակրոնը Բուդապեշտում Եվրոպական քաղաքական համայնքի գագաթնաժողովում՝ խոսելով ՀՀ վարչապետ Նիկոլ Փաշինյանի «Խաղաղության խաչմերուկ» նախագծի մասին։
Ֆրանսիայի նախագահի խոսքով՝ այս խաղաղությունը հասանելիության սահմաններում է երկու երկրների միջև խաղաղության պայմանագրի ստորագրման միջոցով։
Մակրոնն ընդգծել է՝ Հարավային Կովկասի կայունությունը կարևոր է նաև Եվրամիության ու Կենտրոնական Ասիայի միջև ավելի լայն հարաբերությունների համար։
Թարգմանությունը՝ Տաթև Ֆռանգյանի
