30.07.2026 | 16:20
ՖԻԲԱ-ի նախագահը շնորհավորել է ՀԲՖ նորընտիր ղեկավարությանը
Մի քիչ էլ կսպասենք և կստեղծենք պատերազմի քննիչ հանձնաժողովը. Անդրանիկ Քոչարյան․ ՏԵՍԱՆՅՈՒԹ
Քաղաքականություն
29.10.2021 | 11:59
44-օրյա պատերազմի հանգամանքներն ուսումնասիրող քննիչ հանձնաժողովի ստեղծումը անխուսափելիորեն պետք է լինի, որպեսզի որևէ շահարկում չլինի: Խորհրդարանական ճեպազրույցների ժամանակ այս մասին նշեց «Քաղաքացիական պայմանագիր» խմբակցության պատգամավոր Անդրանիկ Քոչարյանը։
Հարցին, թե ինչու մինչ օրս չի ստեղծվել այդ հանձնաժողովը, որի ստեղծման ձգձգման համար ընդդիմադիրները մեղադրում են իշխանությանը, Քոչարյանը պատասխանեց, որ չի լսել նման մեղադրանքներ, և որ դրանք արդարացված չէին լինի։
«Մենք հապաղել ենք, որ իրենք իրենց փաստաթղթերը կարգի բերեն։ Ընդդիմադիր մեր գործընկերներից երեքը ստացել են փաստաթղթերը, և միայն Արթուր Ղազինյանը չի ստացել այն, քանի որ չի էլ ներկայացրել գաղտնի տեղեկություններին տիրապետելու թույլտվության համապատասխան փաստաթղթերը։ Այնպես որ մենք հապաղում ենք, որ վաղը ընդդիմությունը մեզ չմեղադրի, թե դուք շուտ սկսեցիք, որ մենք չմասնակցենք»,- նշեց Քոչարյանը։
«Քննիչ հանձնաժողովի աշխատանքները սկսելու համար ամեն ինչ պատրաստ է, սակայն մի քիչ էլ կսպասենք՝ մեկ շաբաթ, գուցե պարոն Ղազինյանը կողմորոշվի՝ հանձնաժողովի լիարժեք անդամ է թե ոչ: Եվ մեր խոստումը կկատարենք, հանձնաժողովի ստեղծումը անխուսափելիորեն պետք է լինի, որպեսզի որևէ շահարկում չլինի»,- ընդգծեց Քոչարյանը:
Մանրամասները՝ տեսանյութում:
