05.02.2026 | 17:11
Ալեն Սիմոնյանն ու Սերգեյ Լավրովը մտքեր են փոխանակել ԵԱՏՄ, ԱՊՀ և միջազգային այլ հարթակներում փոխգործակցության շուրջ
Ինչի՞ հիման վրա են զորքերը հետ քաշվել դեկտեմբերի 17-18-ին դեպի Փայլասար․ Գեղամ Մանուկյան․ ՏԵՍԱՆՅՈՒԹ
Քաղաքականություն
27.10.2021 | 17:00
Սահմանապահ զորքերը Փայլասարի հատվածում շարունակում են ծառայություն իրականացնել այն դիրքերում, որտեղ սկսել են ծառայություն իրականացնել 2020-ի դեկտեմբերից: Այս մասին ԱԺ-ում կառավարության անդամների հետ հարցուպատասխանի ժամանակ հայտարարեց ՀՀ վարչապետ Նիկոլ Փաշինյանը:
Փայլասարի խնդրին անդրադարձավ նաև «Հայաստան» խմբակցության պատգամավոր Գեղամ Մանուկյանը:
Նրան արձագանքեց Պաշտպանության նախարար Արշակ Կարապետյանը. «Դուք ԱԺ-ում համապատասխան հանձնաժողով եք ստեղծել: Այդ հանձնաժողովն իր աշխատանքը կավարտի և դուք այդ բոլոր հարցերի պատասխանները կստանաք»։
Պատասխանը չգոհացրեց պատգամավորին, նա հարց ուղղեց նախարարին` ընդգծելով. «Որևէ գերատեսչություն մինչև հիմա հստակ չի ասում` ինչի՞ հիման վրա են զորքերը հետ քաշվել դեկտեմբերի 17-18-ին դեպի Փայլասար, ենթադրություն ունեմ, թե ինչ թղթեր են ստորագրվել և որի հիման վրա այսօր հպարտանում եք, թե իբր Փայլասարի վրա մեր դիրքերն են, երբ Կապանն ու Սյունիքը կրակահերթերի վտանգի տակ են»:
«Դուք հնարավորություն ունեք ստեղծել բազմաթիվ հանձնաժողովներ և ստեղծել եք, խնդրում եմ, այդ հարց ինքներդ ձեզ ուղղեք: ՊՆ-ն այն կազմակերպությունը չի, որ թեկուզ դուք՝ ինչ-ուզեք հարցնեք, մենք էլ ինչ-ուզենք պատասխանենք, մենք եթե պատասխանում ենք, պարտավոր ենք հիմնովին պատասխանել»,-ասաց Արշակ Կարապետյանը:
Մանրամասները՝ տեսանյութում:
