28.04.2026 | 21:00
ԲԱՆԱՎԵՃ․ Հիբրիդային հարձակումներ, միջամտություն ՀՀ-ի ներքաղաքական կյանքին․ ինչպե՞ս պայքարել
Վրաստանը միանում է ռուս դիվանագետներին վտարելու արշավին. երկիրը լքելու համար 7 օր ժամանակ է տրվել
Քաղաքականություն
29.03.2018 | 16:15
Վրաստանը «Սկրիպալի» գործի առնչությամբ երկրից կարտաքսի ռուս դիվանագետի՝ հաջակցություն Մեծ Բրիտանիայի դիրքորոշման. տեղեկացնում է ria.ru-ն:
«Արտգործնախարարությունն, ըստ այդմ, անընդունելի է համարում Վրաստանում Ռուսաստանի շահերի՝ Շվեյցարիայի դեսպանատանը կից բաժնի աշխատակցի ներկայությունը ու պահանջում է 7 օրվա ընթացքում լքել Վրաստանը»,- ընդգծել է գերատեսչությունը:
ԵՄ 16 երկիր, ինչպես նաև ԱՄՆ-ն, Կանադան, Նորվեգիան, Ուկրաինան ու մի շարք այլ պետություններ հայտարարել են Սկրիպալի գործի առնչությամբ ռուս դիվանագետների արտաքսման մասին:
Հիշեցնենք, որ մարտի 5-ին Սոլսբերի քաղաքի ոստիկանությունը հաղորդել էր, որ քաղաքի առևտրի կենտրոններից մեկում անհայտ ծագման վտանգավոր նյութից անգիտակից վիճակում հիվանդանոց է տեղափոխվել երկու անձ։ Հետագայում պարզվել է, որ խոսքը Սկրիպալի և նրա դստեր մասին է:
Նշենք, որ Սկրիպալը Ռուսաստանում 2006 թվականին դատապարտվել էր Մեծ Բրիտանիայի օգտին լրտեսելու համար, իսկ 2010 թվականին ապաստան էր ստացել Մեծ Բրիտանիայում. նրան փոխանակել են ԱՄՆ-ում ձերբակալված ռուս գործակալների հետ:
Նշենք նաև, որ ՌԴ ԱԳՆ-ն արձագանքեց Մեծ Բրիտանիայի քայլին՝ նշելով, որ բրիտանական իշխանությունները շահագրգռված չեն Սոլսբերիի հանցագործության իրական շարժառիթները պարզաբանելու համար, ինչը տեղիք է տալիս ենթադրելու, որ գործում ներգրավված են Բրիտանիայի հատուկ ծառայությունները:
Բացի այդ, Ռուսաստանի արտաքին քաղաքական գերատեսչությունը հայտարարել էր, որ Բրիտանիայում ռուսաստանցի նախկին հետախույզ Սերգեյ Սկրիպալի և նրա դստեր թունավորումը կդիտարկի որպես ՌԴ քաղաքացիների դեմ մահափորձ, եթե բրիտանական կողմը հակառակը չապացուցի. «Եթե ռուսական կողմին չտրամադրվեն հակառակը հիմնավորող համոզիչ ապացույցներ, ապա կհամարենք, որ մեր համաքաղաքացիների դեմ մահափորձ է կատարվել՝ քաղաքական խոշոր սադրանքի արդյունքում: Ընդգծում ենք, որ ապացուցման բեռն ընկած է հենց բրիտանական կողմի վրա»:
