17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
ԱԱԾ-ի խնդիրը չէ քննչական գործառույթ իրականացնելը․ Հայկ Մարտիրոսյան. ՏԵՍԱՆՅՈՒԹ
Հասարակություն
26.10.2021 | 14:43
Խոշտանգումներից զերծ մնալու իրավունքը մարդու իրավունքների բացարձակ արժեք է: Այս մասին «Խոշտանգման գործերի նախաքննությունը փոխանցվում է ԱԱԾ քննիչներին. հետընթաց խոշտանգումների դեմ պայքարո՞ւմ» թեմայով կազմակերպված առցանց քննարկման ժամանակ նշեց «Թրանսփարենասի Ինթերնեշնլ հակակոռուպցիոն կենտրոնի» իրավական հարցերով փորձագետ Հայկ Մարտիրոսյանը:
«Ե՛վ ԱԱԾ ղեկավարը, և՛ քննչական մյուս մարմինների ղեկավարները նշանակվում են ԱԱԾ-ի կողմից: Խնդիրն այն է, որ միասնական մոտեցում պետք է ցուցաբերել քննչական ծառայությունների որակի բարելավման և մարդու իրավունքների պաշտպանության աստիճանը բարձրացնելու ուղղությամբ:
Ինստիտուցիոնալ անկախություն ասելով՝ պետք է հասկանալ, որ այդ քննչական ծառայությունը պետք է ձևավորվի խորհրդարանի կողմից և պետք է հանդես գա տարեկան, կիսամյակային զեկույցներով, ինչը երաշխիք կստեղծի հատկապես խոշտանգումների գործերով քննության վերահսկողության աստիճանի մեծացման համար»,- նշեց Մարտիրոսյանը:
Փորձագետի կարծիքով՝ խոշտանգումների գործերը չի կարելի փոխանցել ԱԱԾ-ին, քանի որ ԱԱԾ գործառույթների մեջ ընդհանրապես չի մտնում քննչական գործառույթ իրականացնելը, բացառապես լրտեսության և ազգային անվտանգության դեմ ուղղված այլ հանցագործերով քննությունների:
Մանրամասները՝ տեսանյութում:
