19.05.2026 | 22:34
Մերկելը և Զելենսկին արժանացել են Եվրոպական շքանշանի
Դատապարտյալի նկատմամբ ՀՀ ՄԻՊ-ի աջակցությամբ սահմանվել է հաշմանդամության կարգավիճակ
Հասարակություն
26.10.2021 | 14:26
Դատապարտյալը դիմել է ՀՀ մարդու իրավունքների պաշտպանին՝ բողոքելով այն մասին, որ դիմում ներկայացնելուց հետո շուրջ 7 ամիս իր նկատմամբ բժշկասոցիալական փորձաքննություն չի իրականացվում. տեղեկացնում են ՄԻՊ աշխատակազմից:
Բողոքի քննարկման ընթացքում արձանագրվել է, որ ոչ պատշաճ վարչարարության արդյունքում բողոք ներկայացրած անձը զրկվում է հաշմանդամություն ունեցող անձի համար սահմանված արտոնություններից:
Պաշտպանի աջակցությանը դիմած անձի իրավունքների պաշտպանության նպատակով քննարկումներ են տեղի ունեցել Աշխատանքի և սոցիալական հարցերի նախարարության, այդ թվում՝ ԲՍՓ գրասենյակի (ներկայում՝ Միասնական սոցիալական ծառայություն), ինչպես նաև ՔԿՀ ներկայացուցիչների հետ։
Համագործակցության արդյունքում դատապարտյալի նկատմամբ իրականացվել է փորձաքննություն հատուկ ընթացակարգով և սահմանվել է հաշմանդամության 3-րդ խումբ:
Քաղաքացին Պաշտպանի աշխատակազմ փոխանցել է, որ վերականգնվել է նաև հաշմանդամության թոշակի տրամադրումը:
