07.11.2024 | 17:00
Որ երկրների առաջնորդների ու պաշտոնյաների հետ է կարճ հանդիպումներ ունեցել Փաշինյանը․ ԼՈՒՍԱՆԿԱՐՆԵՐ Բուդապեշտից․
«Թույլ չենք տա F-35-ի հարցում Թուրքիայի իրավունքների ոտնահարում»․ Էրդողանը հայտնել է Բայդենի հետ հանդիպման մասին
Քաղաքականություն
21.10.2021 | 20:26
Այսօր լրագրողների հետ զրույցում Թուրքիայի նախագահ Ռեջեփ Թայիփ Էրդողանը հայտարարել է, որ Հռոմում նախանշված G20-ի գագաթնաժողովի ժամանակ ԱՄՆ նախագահ Ջո Բայդենի հետ քննարկելու է F-35 կործանիչների ծրագրի հարցը, գրում է «Անադոլու» գործակալությունը։
«Մենք թույլ չենք տա տվյալ հարցում Թուրքիայի իրավունքների ոտնահարում։ F-35-ի ծրագրում Թուրքիայի մասնակցության հարցը շարունակում է քննարկվել աշխատանքային խմբերի մակարդակով: Այսպես թե այնպես, Անկարան կվերադարձնի հինգերորդ սերնդի ինքնաթիռների համար վճարված 1.4 միլիարդ դոլարը»,- ասել է Էրդողանը։
Նա նշել է, որ կործանիչների թեման քննարկվելու է նաև Բրյուսելում Թուրքիայի և ԱՄՆ-ի պաշտպանության նախարարների անձնական հանդիպման ընթացքում։
«Ցանկանում եմ հավատալ, որ կհասնենք որոշակի առաջընթացի այդ հարցում»,- ասել է Թուրքիայի նախագահը։
Նշենք, որ ԱՄՆ-ն Թուրքիային հեռացրել F-35 հինգերերոդ սերնդի կործանիչների ծրագրից՝ ռուսական S-400 համակարգերի ձեռքբերումից հետո։
Էմմա Չոբանյան
