Պուտինը խոսում է ռուսական իմպերիայի շահերից․ թքա՛ծ ձեր իմպերիայի վրա, ես սուվերեն երկրում եմ ապրում․ Հրանտ Վարդանյան. ՏԵՍԱՆՅՈՒԹ

Լուրեր

09.05.2024 | 00:03
Հայաստանը զիջման պատրաստակամություն է հայտնել, նույնն ակնկալում ենք Բաքվից. ՀՀ-ում Ֆրանսիայի դեսպան
08.05.2024 | 23:47
ՌԴ-ի և ՀՀ-ի ապրանքաշրջանառությունը գերազանցել է 7 մլրդ դոլարը, նման ծավալ երբեք չի եղել. Պուտին
08.05.2024 | 23:33
Մեկնարկել է Փաշինյան-Պուտին երկկողմ հանդիպումը
08.05.2024 | 23:30
Էրդողանի կուսակցության 1,3 մլն ընտրողներ ՏԻՄ ընտրություններում աջակցել են հիմնական ընդդիմադիր կուսակցությանը․ հարցում
08.05.2024 | 23:15
Դատավորների գնահատման անկախ մարմին կստեղծվի. նոր համակարգի նախագիծը ներկայացվել է դատաիրավական ոլորտի ներկայացուցիչներին
08.05.2024 | 23:02
AstraZeneca-ն ամբողջ աշխարհից հետ է կանչում իր COVID-19 պատվաստանյութը
08.05.2024 | 22:49
Երևանում և 9 մարզում էլեկտրաէներգիայի անջատումներ կլինեն
08.05.2024 | 22:34
Իսրայելի ԱԳՆ ներկայացուցիչը Բաքվում բանակցություններ է անցկացրել
08.05.2024 | 22:20
Հայաստանի և Կանադայի ԱԳ նախարարները քննարկել են տարածաշրջանային հարցեր
08.05.2024 | 22:14
Ադրբեջանի ընդդիմադիր կուսակցության ղեկավարը ԵՄ դեսպանի հետ քննարկել է երկրում մարդու իրավունքների իրավիճակը
08.05.2024 | 22:00
Գրոսսին դժգոհ է Իրանի և ՄԱԳԱՏԷ-ի համագործակցության մակարդակից
08.05.2024 | 21:47
ՆԳ փոխնախարարն ու Գերմանիայի ՆԳՆ խորհրդարանական պետքարտուղարը քննարկել են համագործակցության հարցեր
08.05.2024 | 21:33
Արենիում նոր դպրոց կկառուցվի․ կառավարությունը գույք նվիրաբերեց
08.05.2024 | 21:20
Միայն գործընկեր երկրների շահերը հարգելու հիման վրա կկարողանանք պահպանել միավորման գործունեության արդյունավետությունը. Փաշինյանը՝ ԵՏՄ ԲԽ նիստին
08.05.2024 | 21:00
Կիրանցում առաջին վնասի դեպքում պատասխան են տալու «սահմանազատմամբ ՀՀ անվտանգությունը բարձրանում է» ասողները․ Արփի Թոփչյան. ՏԵՍԱՆՅՈՒԹ
Բոլորը

Factor TV-ի զրուցակիցը կինոռեժիսոր Հրանտ Վարդանյանն է

-Արժեքայի՞ն պատերազմների տիրույթում կտեղավորեք Ռուսաստանից օրերս եկած մի տեղեկություն, ըստ որի՝ Պուտինի ղեկավարությամբ հավաքի ընթացքում ԱՊՀ հատուկ ծառայությունների ղեկավարները, այդ թվում՝ ՀՀ-ի, պարտավորություն են ստանձնել պայքարել ժողովրդավարության, արևմտյան արժեքների դեմ՝ համարելով, որ դրանք քայքայում են ԱՊՀ պետությունները։

-Այդտեղ ինձ մոտ հարց է առաջանում՝ այդ ի՞նչն են քայքայում, ի՞նչ ունեք, որ քայքայված չի, որ նոր պիտի քայքայվի։ Քայքայված ու սուտ սիստեմ է դա՝ անվտանգությունից սկսած մինչև իրենց գեոպոլիտիկ հնարքները՝ իմպերիան պահպանելու համար։ Թքած ունեմ ես ձեր իմպերիայի վրա, ինձ չի հետաքրքրում իմպերիան։ Գաղութից ազատվելն այնտեղ հայտնված մարդու միակ և անհամեմատելի երազանքն է, դրանից հետո է նոր որոշվում, թե մարդն ինչով պետք է զբաղվի ազատության մեջ։

-Իսկ այդպիսով՝ ո՞ւմ իմպերիան են ուզում պահպանել։

-Պուտինն ինչի՞ց է խոսում, ռուսական իմպերիայի շահերից է խոսում, բայց ես՝ որպես ՀՀ քաղաքացի, ի՞նչ կապ ունեմ, ես ապրում եմ սուվերեն երկրում, համենայնդեպս՝ մենք դե յուրե ինքնիշխան երկիր ենք։ Մենք ունենք մեր հիմնը, մեր դրոշը, մեր բանակը, ոստիկանությունը, մեր զինանշանը, մեր Սահմանադրությունը․․․ սա առանձին ապրող օրգանիզմ է։ Հիմա էս օրգանիզմը տանում-մտցնում են հաստ աղիքի տակ, մեկ էլ այդ օրգանիզմը տանում, մոտեցնում են կոկորդին։ Արհեստական, շինծու բաներ են արվում։ Դա բավականին երկար է տևում։ Մեր վիճակն արհեստածին է, արհեստական է, դրա համար էլ չենք կարողանում մեր ինքնագիտակցությունը, մեր ենթամշակույթը յուրովի ապրել ու ընկալել։ Մենք անընդհատ օտարի հրամանների տակ ենք, դրա համար էլ կիսատ ենք։

-Օտա՞ր, թե՞ դաշնակից։ 

-Օտար։

-Եթե մեր դաշնակիցը պատերազմում է Արևմուտքի դեմ, մենք նույնպես դրա մեջ ենք մտնում, այնպես չէ՞։

-Մենք այսօր թշնամի ենք Ադրբեջանի հետ, և իմ թվացյալ դաշնակիցը բարեկամ է իմ թշնամու հետ։ Իմպերիան է, չէ՞, դա ստեղծել, Ադրբեջանը մեզնից հողեր չի տարել, Արցախը գրավել է բոլշևիզմի օրոք։ Իմպերիան՝ Ռուսաստանը, վերցրել է մի օրգանի կեսը՝ մի ժողովրդի տարածք, տվել է այլ հարևանի։ Ի՞նչ իրավունքով, մենք ինչո՞ւ Կրեմլի դռները չենք ջարդել հենց առաջին օրվանից, ոչ թե գնալ պատերազմի։ Պատերազմը նույն Մոսկվան է գցել։ Սրանք կողպեքներ են, որ դրված են եղել՝ Հյուսիսային և Հարավային Օսիաներ, օս ժողովուրդն է այդտեղ ապրում, իր դարավոր հողերի վրա է ապրում, դու բաժանում ես՝ ինչի՞ համար․․․ որ տիրես։ Պատերազմական վիճակներ ես ստեղծում՝ ինչի՞ համար, որ սրանք հանկարծ հարևանություն չանեն ու քեզնից չկտրվեն։

Հարցազրույցն ամբողջությամբ՝ տեսանյութում։

Ռոբերտ Անանյան