30.07.2026 | 13:27
Ով է փոխարինելու Ռուբինյանին հայ-թուրքական բանակցություններում. Փաշինյանի պատասխանը․ ՏԵՍԱՆՅՈւԹ
Կիևը ԵԱՀԿ դիտորդներին մեկուսացնելն առևանգում է որակել
Քաղաքականություն
18.10.2021 | 22:58
Գոռլովկայում փաստացի առևանգել են ԵԱՀԿ հատուկ դիտորդական առաքելության ներկայացուցիչներին։ Այս մասին հայտնում են Դոմբասում եռակողմ կոնտակտային խմբի ուկրաինացի ներկայացուցիչները, գրում է DW-ի ռուսական ծառայությունը։
Կիևը կոչ է արել միջազգային հանրությանը, մասնավորապես՝ «Նորմանդյան ֆորմատ»-ի երկրներին, միջադեպին համապատասխան գնահատական տալ։ ԶԼՄ-ների անխոչընդոտ մուտքը բոլոր շրջաններ հույժ կարևոր է արդյունավետ մոնիթորինգի և անվտանգ միջավայր ստեղծելու համար․ ընդգծում են ուկրաինական պատվիրակության անդամները։
Նշվում է, որ ԵԱՀԿ դիտորդներին Գոռլովկայում արգելափակել էին նախօրեին։ Հաղորդագրության մեջ նշվել էր, որ նրանց բառացիորեն արգելափակել են ավտոմեքենայում և պահել Գոռլովկայի պարեկային բազայում։ Նրանց ճանապարհը փակվել է կապույտ մեքենայի միջոցով, որի վրա գրված է եղել ԴԺՀ (Դոնեցկի Ժողովրդական Հանրապետություն) և որի մոտ երկու զինված անձինքն են եղել՝ անջատողական ուժերի ներկայացուցիչներ։ Վերջիններս ԵԱՀԿ դիտորդներին ասել են, որ չեն թողնի նրանց, քանի դեռ չեն ազատել իրենց խմբավորման 2 անդամներին, որոնց ուկրաինացի զինվորականները ձերբակալել էին հոկտեմբերի 13-ին Զոլոտոյե բնակավայրում։
