30.07.2026 | 12:46
«Ռեալը» պայմանավորվել է ԱԱ-2026-ի լավագույն ֆուտբոլիստի հետ
Հայաստանի 9 համայնքում ՏԻՄ ընտրություններ են
Քաղաքականություն
17.10.2021 | 07:50
Հանրապետության 6 մարզի 9 համայնքում այսօր տեղական ինքնակառավարման մարմնի ընտրություններ կանցկացվեն:
Համամասնական կարգով ընտրություններ կլինեն Գորիսում, Գյումրիում, Մեղրիում, Տեղում, Տաթևում, Դիլիջանում, իսկ Շամիրամում, Ֆերիկում և Ֆիոլետովոյում՝ մեծամասնական ընտրակարգով։
Կենտրոնական ընտրական հանձնաժողովի տվյալներով՝ ընտրություններին մասնակցում են 17 կուսակցություններ ու կուսակցությունների դաշինքներ: Ամենամեծ ընտրազանգված ունեցող Գյումրիում այս տարի քվերակության իրավունք ունի 123 115 քաղաքացի։ Բավականին թեժ մրցակցություն է սպասվում Սյունիքի մարզի Գորիս համայնքում, որն ունի 22262 ընտրողն: 20 367 ընտրող ունեցող Դիլիջանում տեղական իշխանություն ձևավորելու համար կմրցի 5 կուսակցություն։
Արագածոտնի մարզի Շամիրամ համայնքում թեկնածուն մեկն է՝ գործող համայնքապետը։ Լոռու մարզի Ֆիոլետովո համայնքում իրար հետ կմրցեն անկուսակցական երեք թեկնածուներ։
Արմավիրի մարզի Ֆերիկ համայնքում ավագանու վեց թեկնածու է առաջադրվել: Նրանցից քաղաքական պատկանելիություն ունի միայն մեկը, մյուսներն անկուսակցական են: Ֆերիկ համայնքն ամբողջությամբ եզդիաբնակ է, հենց այդ պատճառով համայնքը, որպես ազգային փոքրամասնություններով բնակեցված, չի խոշորացվելու։
Քվեարկությունը կտևի 12 ժամ: Ողջ տարածքում ընտրատեղամասերը կբացվեն վաղը 08:00-ին և կփակվեն 20:00-ին, որից անմիջապես հետո կսկսվի հաշվարկը:
Նշենք, որ այս տարի տեղական ինքնակառավարման մարմինների ընտրությունները կանցկացվեն նաև նոյեմբերի 14-ին և դեկտեմբերի 5-ին։
