14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
ՀՀ-ԵՄ համաձայնագրի կողմերը դեմ չեն ՀՀ-ում նոր ատոմակայան կառուցելուն․ քննարկում․ ՏԵՍԱՆՅՈՒԹ
Քաղաքականություն
16.10.2021 | 19:00
FactorTV-ի «Ուշադրության կենտրոնում» հաղորդաշարը ՀՀ-ԵՄ համապարփակ և ընդլայնված գործընկերության համաձայնագրով Միջուկային անվտանգության ապահովման ուղղությամբ ստանձնած պարտավորությունների մասին է։
ՀՀ կառավարությանը կից Միջուկային անվտանգության կարգավորման կոմիտեի նախագահի առաջին տեղակալ Խաչատուր Խաչիկյանը նշեց, որ Մեծամորի ատոմակայանի փակման մասին ՀՀ-ԵՄ համաձայնագրով նախատեսված կետը խիստ մոտեցում չէ, քանի որ ցանկացած ատոմակայան ունի իր շահագործման նախագծային ժամկետը, և այն լրանալուց հետո պետք է փակվի։
«Այդտեղ գրված է, որ համապատասխան հզորություն ունենալու պարագայում պետք է փակվի այն»,- ասաց նա։ Իսկ համապատասխան հզորություն ասելով, ըստ նրա, համաձայնագրի կողմերը նկատի ունեն նոր ատոմակայան ունենալը։
«Եթե այս ատոմակայանը փակում ես, գոնե այս ատոմակայանի հզորությամբ նոր ատոմակայան պետք է ունենաս։ Նոր ատոմակայանն արդեն նախագծված պատրաստված կլինի խիստ ժամանակակից պահանջներին համապատասխանող նորմերին և ավելի անվտանգ կլինի»,- ասաց նա։
ՀՀ-ԵՄ համաձայնագրում Միջուկային անվտանգության ապահովմանը վերաբերող հատվածում կարևորում է վերականգնվող էներգիայի պայմանների ստեղծումը։ Արևային էներգետիկայի փորձագետ, «Շտիգեն» ընկերության հիմնադիր Հայկ Շեկյանի խոսքով՝ Արևային էներգետիկայի ոլորտը զարգանում է իր բնականոն հունով։
«Մենք մեր ոլորտի զարգացումը տեսնում ենք, ինչը պայմանավորված է մի շարք գործոններով, թե՛ պետության կողմից իրականացվող որոշակի աջակցության ծրագրերով, թե միջազգային կառույցների ծրագրերով»,- ասաց նա՝ նկատելով, որ պետությունը տարբեր ծրագրերում առաջնահերթություն տալիս է այս ոլորտի զարգացման համար։
Նրա խոսքով՝ այլ հարց է, թե օգտագործվում է ամբողջ ներուժը, ինչ գործիքակազմ է կիրառվում։
«Այդտեղ, իհարկե, մենք դեռ շատ անելիքներ ունենք»,- ասաց նա։
Մանրամասները՝ տեսանյութում։
Հռիփսիմե Հովհաննիսյան
