Կրթության պատասխանատուները քննարկել են ՀՀ բարձրագույն կրթության երրորդ աստիճանի բարեփոխումների հայեցակարգը

Լուրեր

03.05.2025 | 13:33
Պետդեպարտամենտի ներկայացուցիչը հերքել է Ուկրաինայում կարգավորման գործընթացից ԱՄՆ-ի դուրս գալու մասին տեղեկությունները
03.05.2025 | 13:16
«Անպայման գնահատական կլինի». Տիգրան Ավինյանը` Նոր Նորքի թաղապետի մասնակցությամբ միջադեպի մասին
03.05.2025 | 12:57
ՀՀ ԱԳՆ-ն վերահաստատել է լրատվամիջոցների ազատության նկատմամբ ամուր հանձնառությունը
03.05.2025 | 12:46
Ինձ համար դատապարտելի է ցանկացած բռնարարք. Կամո Արեյանը` Նոր Նորքի թաղապետի մասնակցությամբ միջադեպի մասին
03.05.2025 | 12:34
Էրդողանը հայտարարել է, որ Թուրքիայի առաջին՝ «Աքքույու» ԱԷԿ-ում էլեկտրաէներգիայի արտադրությունը կսկսվի 2025 թվականի վերջին
03.05.2025 | 12:14
ՄԻՊ-ն այցելել է Սևանի հոգեկան առողջության կենտրոն
03.05.2025 | 12:01
Նավթի գները նվազել են
03.05.2025 | 11:33
ՄԱԿ-ում ՀՀ մշտական ներկայացուցիչ Պարույր Հովհաննիսյանն իր հավատարմագրերն է հանձնել Անտոնիո Գուտերեշին
03.05.2025 | 11:12
«Երևան» բժշկական կենտրոնը վերանորոգվել ու վերազինվել է
03.05.2025 | 10:48
Արտարժույթների փոխարժեքները՝ մայիսի 3-ի դրությամբ
03.05.2025 | 10:27
ՀՀ տարածքում ավտոճանապարհները հիմնականում անցանելի են
03.05.2025 | 10:05
ԶԼՄ-ների ազատ գործունեություն, պատասխանատու լրագրություն՝ բացառելով ատելության խոսքն ու խտրականությունը․ ՄԻՊ-ը շնորհավորական ուղերձ է հղել
02.05.2025 | 23:30
Դատախազական ակտի կիրառման արդյունքում վերականգնվել է պետությանը պատճառված 75 միլիոն դրամ վնասը
02.05.2025 | 23:20
Մենք պետք է համոզված լինենք, որ մեր հարգելի ուսուցիչները ունեն պատշաճ հմտություններ. Փաշինյան
02.05.2025 | 23:10
Աթենքից Երևան ժամանած 52-ամյա տղամարդու ուղեբեռում հայտնաբերվել է առնվազն 200 միլիոն դրամի թմրամիջոց. ՆԳՆ
Բոլորը

Ծաղկաձորում մեկնարկեց «Դոկտորական կրթության բարեփոխումը Հայաստանում՝ ակադեմիական համայնքի, արդյունաբերության պահանջներին և ԵՄ փորձին համապատասխան» (ARMDOCT) Էրազմուս+ Կարողությունների զարգացման ծրագրի շրջանակներում եռօրյա աշխատաժողովը։

«Բարձրագույն կրթության երրորդ մակարդակի զարգացման հայեցակարգի և իրավական փաստաթղթերի մշակում» խորագրով աշխատաժողովի բացման հանդիսավոր նիստը համակարգում էր ԵՊՀ ռեկտորի ժամանակավոր պաշտոնակատար Հովհաննես Հովհաննիսյանը։

Ելույթով հանդես եկավ Կրթության, գիտության, մշակույթի և սպորտի նախարարի տեղակալ Կարեն Թռչունյանը, ով ընդգծեց, որ առաջիկա տարիներին անելիքները շատ են և հայեցակարգը կնպաստի բարելավվել ՀՀ բարձրագույն կրթության երրորդ աստիճանի շնորհման կարգը։

Հայաստանում Էրազմուս+ ծրագրի ազգային գրասենյակի համակարգող Լանա Կառլովան կարևորեց դոկտորական կրթության բարեփոխմանն ուղղված ԵՄ համաֆինանսավորմամբ իրականացված բոլոր ծրագրերի դերը և համագործակիցների սերտ համագործակցությունը՝ ապահովելու առավել մեծ ազգային ազդեցություն և հավելեց, որ այս ընթացքում աշխատախումբը հսկայական աշխատանք է արել։

ARMDOCT ծրագրի համակարգող Արևիկ Օհանյանը մասնակիցներին ներկայացրեց մինչ օրս հայեցակարգի աշխատանքների ընթացքը, ակնկալվող արդյունքներն ու ընթացիկ աշխատանքները։

Ծրագրի անդամները՝ ՀՀ 8 բարձրագույն ուսումնական հաստատությունների և 2 գիտահետազոտական ինստիտուտների ներկայացուցիչներ՝ ինստիտուցիոնալ ղեկավարներ և հետազոտողներ, առաջին օրվա ընթացքում ներկայացրեցին ծրագրի ընթացքում իրականացված հետազոտությունները, որոնց արդյունքում ձևավորվել են դոկտորական կրթության բարեփոխման առաջարկները և հայեցակարգային լուծումները։ Ներկայացված առաջարկները քննարկվել են առանձին աշխատանքային խմբերում՝ հստակեցնելով բարձրագույն կրթության երրորդ մակարդակի զարգացման և որակի ապահովման հայեցակարգի առանցքային դրույթները՝ Զալցբուրգի սկզբունքներին համահունչ։

Ավելի ուշ աշխատաժողովի մասնակիցները բաժանվեցին խմբերի և քննարկեցին ասպիրանտական կրթության ընդունելության չափանիշների փոփոխությունները։ Յուրաքանչյուր խումբ ներկայացրեց իր դիտարկումները այս հարցի շուրջ, որին հաջորդեց հարց ու պատասխանը։

Նշենք, որ «Դոկտորական կրթության բարեփոխումը Հայաստանում՝ ակադեմիական համայնքի, արդյունաբերության պահանջներին և ԵՄ փորձին համապատասխան» ARMDOCT ծրագրի տևողությունը 36 ամիս է. այն կգործի մինչև 2023 թվականը: ARMDOCT ծրագրի նպատակն է Զալցբուրգի սկզբունքներին համահունչ Հայաստանում բարեփոխել դոկտորական կրթությունը՝ ազգային քաղաքականության և իրավական փաստաթղթերի, ինստիտուցիոնալ ընթացակարգերի վերանայման, գիտության և հետազոտության ինտեգրման համար անհրաժեշտ համակարգի ապահովման միջոցով։

Ծրագրի շրջանակում նախատեսվում են բուհերի և ԳԱԱ գիտահետազոտական ինստիտուտների, ԿԳՄՍ ռազմավարական, ենթակառուցվածքային և մարդկային ռեսուրսների կարողությունների զարգացում, իրավական փաստաթղթերի մշակում, դոկտորական կրթության կազմակերպման ձեռնարկի մշակում, ինչպես նաև դոկտորական 5 դպրոցների հիմնում և գործարկում՝ բուհերի, գիտահետազոտական ինստիտուտների ու արդյունաբերության միջև սերտ համագործակցության ապահովմամբ։

Ծրագիրը ներառում է 15 անդամ, այդ թվում՝ 4 ԵՄ բարձրագույն ուսումնական հաստատություններ, ՀՀ 8 բուհ և 2 գիտահետազոտական ինստիտուտ, ինչպես նաև ՀՀ կրթության, գիտության, մշակույթի և սպորտի նախարարությունը։