31.03.2026 | 23:28
Իրանը հերքում է Թուրքիայի ուղղությամբ հրթիռային հարձակումը և կրկին համատեղ հետաքննություն առաջարկում
ՀՀ-ն կոչ է արել ՄԱԿ-ի Միջազգային դատարանին միջանկյալ միջոցներ ձեռնարկել Ադրբեջանի դեմ
Քաղաքականություն
14.10.2021 | 14:55
ՄԱԿ-ի Միջազգային դատարանը պետք է միջանկյալ միջոցներ ձեռնարկի Ադրբեջանի դեմ ՝ Հայաստանի կողմից ներկայացված ռասայական խտրականության բոլոր ձևերի վերացման միջազգային կոնվենցիայի խախտման վերաբերյալ հայցի քննարկման ընթացքում: Այս մասին հինգշաբթի կայացած լսումների ժամանակ ասել է հայկական կողմի ներկայացուցիչ Եղիշե Կիրակոսյանը:
Ինչպես նշված է Հայաստանի կողմից ավելի վաղ ներկայացված հայցում, միջանկյալ միջոցների նպատակն է պաշտպանել և պահպանել Հայաստանի և հայերի իրավունքները հետագա ոտնձգություններից և կանխել վեճի սրումը՝ նախքան գործի վերաբերյալ ըստ էության որոշում կայացնելը։ Այս առնչությամբ Կիրակոսյանն ընդգծել է, որ «հրատապ անհրաժեշտություն կա միջոցներ ձեռնարկել այդ իրավունքները պաշտպանելու համար»:
«Այս հայցի միջոցով Հայաստանը ձգտում է կանխել բռնությունն ու ատելության սրումը էթնիկ հայերի նկատմամբ։ Եվ ժամանակավոր միջոցների վերաբերյալ այս հայցը Հայաստանը հրատապ կարգով ուղարկել է էթնիկ հայերի իրավունքների պաշտպանության համար»,- ասել է հայկական կողմի ներկայացուցիչը։
Հիշեցնենք՝ սեպտեմբերի 16 -ին Հայաստանը ՄԱԿ-ի Միջազգային դատարանում դատավարություն սկսեց Ադրբեջանի դեմ `«Ռասայական խտրականության բոլոր ձևերի վերացման միջազգային կոնվենցիայի» համաձայն: Հայցում նշվում է, որ «Ադրբեջանը տասնամյակներ շարունակ Հայաստանին ենթարկել է ռասայական խտրականության», որն արտահայտվել է, կոտորածներով, խոշտանգումներով և այլ խախտումներով:
Այդ խախտումները կրկին առաջին պլան են մղվել 2020 թվականի սեպտեմբերի հակամարտության ընթացքում, երբ ադրբեջանական կողմը դարձյալ կոնվենցիայի կոշտ խախտումներ է իրականացրել։
«Եվ անգամ ռազմական գործողությունների ավարտից հետո Ադրբեջանը շարունակում է սպանությունները, խոշտանգումները և այլ հանցագործությունները հայ ռազմագերիների, պատանդների և այլ գերիների նկատմամբ», – ասված է հայցում:
Տաթև Ֆռանգյան
