19.12.2025 | 15:32
Պուտինը ԵՄ-ի կողմից ռուսական ակտիվների հնարավոր բռնագրավումը «կողոպուտ» է անվանել և խոսել ծանր հետևանքներից
Դավիթ Տոնոյանի կալանավորման որոշման դեմ ներկայացված բողոքը Տիգրան Սահակյանն ինքն իրեն է մակագրել
Հասարակություն
13.10.2021 | 18:16
ՀՀ պաշտպանության նախկին նախարար Դավիթ Տոնոյանի խափանման միջոց կալանավորման դեմ պաշտպանական բողոքը մակագրվել է դատարանի նախագահ Տիգրան Սահակյանին։ Այս որոշումը բավականին հետաքրքիր է, քանի որ տևական ժամանակ է, ինչ գործերի ավտոմատ մակագրման համակարգի՝ ԱԱԾ-ի առգրավման պատճառով, դատարանների նախագահներն իրենք են մակագրում գործերը։ Փաստացի, ստացվում է՝ Սահակյանն ինքն իրեն է մակագրել նախկին նախարարի բողոքի քննությունը։
Ինչպես Factor.am-ի հետ զրույցում տեղեկացրեց դատավորի աշխատակազմը՝ խափանման միջոցի դեմ բերված բողոքը կքննվի հոկտեմբերի 15-ին։
Հիշեցնենք՝ Դավիթ Տոնոյանը երկու ամսով կալանավորվեց սեպտեմբերի 30-ին՝ Մնացական Մարտիրոսյանի որոշմամբ և տեղափոխվեց «Երևան-Կենտրոն» քրեակատարողական հիմնարկ։
Հիշեցնենք նաև՝ ըստ Ազգային անվտանգության ծառայության՝ 2018-ից 2020 թվականները պաշտպանության նախարարի պաշտոնը զբաղեցրած Դավիթ Տոնոյանը որպես մեղադրյալ է ներգրավվել շուրջ 4.7 մլն դոլար հափշտակելու և կեղծիքներ, հանրորեն վտանգավոր արարքներ կատարելու համար։ Նույն գործով մեղադրյալ է նաև բանակին զինամթերք մատակարարած ընկերության տնօրեն՝ Պատրոն Դավո մականունով հայտնի Դավիթ Գալստյանը։
Առաջադրված հանցանքներում մեղադրյալներն իրենց մեղավոր չեն ճանաչում, պնդելով, որ այն անհիմն է։
Ռոզա Վարդանյան
