07.11.2024 | 21:31
Շոլցը չեղարկել է Բաքու այցը՝ Գերմանիայում քաղաքական լարվածության պատճառով․ Bloomberg
Թունաքիմիկատներով թուրքական նավ է խորտակվել Բուլղարիայի սևծովյան ափին․ Greenpeace-ը նախազգուշացրել է անդառնալի հետևանքների մասին
Քաղաքականություն
13.10.2021 | 21:39
Բուլղարիայի Սևծովյան ափին խորտակվել է Vera Su թուրքական նավը, որի վրա եղել է 3000 տոննա միզանյութ։ Այս մասին հայտնում է Euractiv-ը։
Բուլղարիայի ծովային վարչության գործադիր տնօրեն Վենցիսլավ Իվանովի խոսքով՝ նավի վրա անցքեր կան: Նավն այլևս հնարավոր չէ փրկել, այլ միայն միջոցներ են ձեռնարկվում խորտակված ունեցվածքը հեռացնելու համար։
Բուլղարիայի իշխանությունները հույս ունեն, որ հնարավոր կլինի մտնել բեռների պահեստ` միզանյութը հեռացնելու համար, սակայն գործողությունը բարդանում է վատ եղանակի պատճառով:
Greenpeace-ը վրդովմունք է հայտնել Բուլղարիայի իշխանությունների անփութության կապակցությամբ և նախազգուշացրել շրջակա միջավայրի համար հնարավոր անդառնալի հետևանքների մասին:
Բարձր կոնցենտրացիայով միզանյութը ծով լցվելու դեպքում առաջանում է ֆիտոպլանկտոնի արագ ծաղկում, որն էլ առաջացնում է ծովային կյանքի, ներառյալ ծովային թռչունների համար վտանգավոր տոքսին: Այն կարող է վտանգել նաև մարդու կյանքը՝ ձուկ կամ ծովամթերք օգտագործելիս:
Տաթև Ֆռանգյան
