18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Թուրքիայում անցկացվում են կիբերանվտանգության զորավարժություններ
Քաղաքականություն
12.10.2021 | 22:02
Թուրքիայում «Ազգային վահան-2021» ազգային զորավարժություններին մասնակցում են երկրի տասնյակ հաստատություններ ու կազմակերպություններ,որոնք գործունեություն են ծավալում տարբեր ոլորտներում՝ առողջապահությունից մինչև կրթություն, էներգետիկայից մինչև բանկային համակարգ, հնաավորություն են ստացել ստուգել իրենց գիտելիքներն ու հմտությունները։ Այս մասին հայտարարել է Թուրքիայի տրանսպորտի ու ենթակառուցվածքների նախարար Ադիլ Քարաիսմաիլօղլուն զորավարժությունների բացման միջոցառմանը։ Գրում Անադոլու գործակալությունը։
Զորավարժություններին մասնակցում է 135 մասնագետ կիբերանվտանգության ոլորտից երկրի 36 հաստատությունից ու կազմակերպությունից։
Թուրք նախարարը նաև ասել է, որ տեխնոլոգիաներում նորարարությունների կիրառման շնորհիվ Թուրքիան մտել է հաղորդակցության ու տեղեկատվության բարձր զարգացման դարաշրջան։
«Կիբերաանվտանգությունն այժմ դարձել է ազգային անվտանգության խնդիր։ Միջազգային հետազոտությունների համաձայն՝ կիբերհարձակումների հետևանքով կորուստների արժեքը կանխատեսվում է 6 տրիլիոն դոլարի մակարդակում, դրա համար ազգային կիբերանվտանգության ապահովումը առանջնահերթությունն է»,- ասել է նախարարը՝հավելելով, որ կիբերանվտանգության հայրենական ծրագրային ապահովման մշակումը անհետաձգելի է։
Էմմա Չոբանյան
