06.06.2026 | 19:05
Բիթքոյնը կորցնում է գրավչությունը․ ներդրողները նախընտրում են AI ընկերություններն ու խոշոր IPO-ները
Վրաստանի ԱԳՆ-ն հերքել է նախարարի խոսքը «3+3» ձևաչափին մասնակցելու պատրաստակամության վերաբերյալ
Քաղաքականություն
09.10.2021 | 12:51
Վրաստանի ԱԳՆ ռազմավարական հաղորդակցությունների վարչությունը ուրբաթ օրը հերքել է արտաքին գործերի նախարար Դավիթ Զալկալիանիի հայտարարությունն այն մասին, որ երկիրը պետք է ներկայացված լինի «3+3» բանակցային ձևաչափում (Հայաստան, Վրաստան, Ադրբեջան և Ռուսաստան, Թուրքիա, Իրան). գրում է ՏԱՍՍ-ը:
«Ցավոք, սոցիալական ցանցերում տարածվում է Վրաստանի արտաքին գործերի նախարարի ՝ Հանրային հեռարձակողին տված հարցազրույցի սխալ մեկնաբանությունը, ըստ որի՝ նախարարը, իբր, հաստատել է Վրաստանի մասնակցությունը նշված ձևաչափով»,- ասված է վարչության հայտարարության մեջ:
Ռուսաստանի արտաքին գործերի նախարար Սերգեյ Լավրովը չորեքշաբթի օրը կայացած մամուլի ասուլիսի ընթացքում, Իրանի ԱԳ նախարար Հոսեյն Ամիր Աբդոլլահիանի հետ բանակցություններից հետո ասել էր, որ իր իրանցի գործընկերոջ հետ քննարկել է Ադրբեջանի, Հայաստանի, Վրաստանի և Թուրքիայի հետ «3 + 3» բանակցությունների ձևաչափ ստեղծելու նախաձեռնությունը, տարածաշրջանում տնտեսական և տրանսպորտային կապերի ապաշրջափակման հարցը:
Ավելի վաղ Ադրբեջանի և Թուրքիայի առաջնորդներ Իլհամ Ալիևը և Թայիփ Էրդողանը հանդես էին եկել Ղարաբաղի հարցով համագործակցության վեցակողմ ձևաչափի նախաձեռնությամբ: Իրանը ողջունեց այս գաղափարը ՝ խոստանալով պատրաստ լինել աջակցել տարածաշրջանում խաղաղության ամրապնդմանն ուղղված քայլերին:
