25.03.2026 | 14:44
Մեծամորում դիտավորյալ ավտոմեքենայի հրկիզման դեպքով կալանավորվել է 29-ամյա տղամարդ, ներգրավվել է անչափահաս
Մտահոգիչ են Արցախից բռնազավթված տարածքներում ադրբեջանցիների ամրացումները. Տիգրան Աբրահամյան. ՏԵՍԱՆՅՈՒԹ
Քաղաքականություն
08.10.2021 | 12:05
«Սյունիքում ստեղծված սպառնալիքներն ու ռիսկերը շարունակում են պահպանվել»,- ԱԺ ճեպազրույցում անդրադառնալով Սյունիքի մարզ կատարած իր այցին՝ այս մասին հայտնեց ԱԺ «Պատիվ ունեմ» խմբակցության պատգամավոր Տիգրան Աբրահամյանը։
Պատգամավորի խոսքով, Ադրբեջանն իր վերահսկողության ներքո գտնվող տարածքներում բավականին ակտիվ շինարարության մեջ է։ Այդ շինություններն ունեն և ռազմական, և քաղաքացիական նշանակություն։
«Շատ մտահոգիչ է, բռնազավթված տարածքներում Ադրբեջանի ամրացումները, որոնք կապված է սահմանապահ զորամասերի տեղակայման ու ամրաշինական ենթակառուցվածքների աշխատանքների հետ։ Այլընտրանքային ճանապարհը, որը կառուցվում է, մի քանի հարցեր կլուծի, սակայն Սյունիքի անվտանգության հարցը ամբողջական չի լուծի»,- ասաց պատգամավորը։
Երկրորդ կարևոր հարցը, որն առանձնացրեց Աբրահամյանը, ԱԺ պաշտպանության ու անվտանգության հարցերով հանձնաժողովում քննարկված առաջարկն է, որը վերաբերում է ուժային կառույցների ղեկավարների խորհրդարան գալուն։
«Իշխանությունը համառ ջանքեր է իրականացնում, որպեսզի ուժային կառույցի ղեկավարները որևէ պարագայում չգան խորհրդարան ու չպատասխանեն հարցերին։
Ակնհայտ է, որ կա հանրային պահանջ, նույն պահանջն առկա է խորհրդարանի ընդդիմադիր խմբակցությունների կողմից այդ մարդկանց հետո որևէ ձևաչափով քննարկում անցկացնելու և հանրության, մեզ համար մտահոգիչ պատասխաններ ստանալու։
Իշխանությունների այս մոտեցումն ավելի է խորացնում այն մտահոգությունը, որ անվտանգության համակարգում նախատեսված վերակազմավորումները չեն իրականացվում, ուժային կառույցներն ասելիք չունեն և խուսափում են մեր տեսադաշտում հայտնվելուց»,- նշեց Աբրահամյանը:
Մանրամասները՝ տեսանյութում:
