20.05.2026 | 11:18
ԱՄՆ Սենատն առաջ է մղել Իրանի պատերազմում Թրամփի ռազմական լիազորությունները սահմանափակելու բանաձևը
Լիտվան Հայաստանին է տրամադրել «Մոդերնա»-ի արտադրության պատվաստանյութի 50 հազար դեղաչափ
05.10.2021 | 15:07
Լիտվան Հայաստանին է փոխանցել Covid-19-ի դեմ «Մոդերնա» ընկերության արտադրած պատվաստանյութի 50 հազար դեղաչափ, որի մասին օրեր առաջ հայտարարել էր Լիտվայի վարչապետը։ «Արմենպրեսի» հաղորդմամբ՝ այս մասին հայտնել է Լիտվայի առողջապահության նախարարությունը։
Պատվաստանյութի փոխանցման արարողությունը տեղի է ունեցել հոկտեմբերի 4-ի երեկոյան՝ Վիլնյուսի օդանավակայանում, երբ ՀՀ վարչապետ Նիկոլ Փաշինյանի գլխավորած պատվիրակությունը վերադառնում էր Հայաստան:
Լիտվան մարդասիրական օգնություն է տրամադրել՝ ի պատասխան Հայաստանի խնդրանքի, որը հիմնված է երկկողմ համաձայնության վրա, ԵՄ պատվաստանյութերի փոխանակման մեխանիզմի միջոցով:
Պաշտոնական այցի ընթացքում Լիտվայի և Հայաստանի առողջապահության նախարարները համագործակցության համաձայնագիր են ստորագրել։ Նշվում է, որ սա առաջին դեպքն է, երբ Լիտվան «Մոդերնա»-ի պատվաստանյութ է նվիրաբերում:
