Դավիթ Տոնոյանին կկալանավորե՞ն. ԱԱԾ-ն բանակում բացահայտումներ է սկսել․ ՏԵՍԱՆՅՈՒԹ

Լուրեր

16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
16.11.2026 | 19:51
Բաքուն ՆԱՏՕ-ի հուսալի գործընկերն է․ Հաջիևը հայտարարել է՝ Ադրբեջանը պատրաստ է զարգացնել դաշինքի հետ գործընկերությունը՝ հանուն խաղաղ Հարավային Կովկասի
16.11.2026 | 19:33
Բուլղարիայի ափերի մոտ նավ է խորտակվել, որի անձնակազմում Ադրբեջանի քաղաքացիներ են եղել․ ՏԵՍԱՆՅՈՒԹ
16.11.2026 | 19:20
Հայր ու որդի նույն հայտարարագիրն են ներկայացրել
16.11.2026 | 19:09
Պապոյանը Գերմանիայի դեսպանի հետ քննարկել է տնտեսական համագործակցության զարգացման հեռանկարները
16.11.2026 | 19:00
Անվճար խորհրդատվություն և հետազոտություններ․ զրույց՝ դեկտեմբերի 4-6-ը սպասվող առողջապահական EXPO-ի մասին. ՏԵՍԱՆՅՈՒԹ
16.11.2026 | 18:51
Երևանում կստեղծվի Սոցիալական ծառայությունների կենտրոն․ ի՞նչ ծառայություններ կտրամադրի նոր ՀՈԱԿ-ը
16.11.2026 | 18:41
Իտալիայի Մ-20 հավաքականի ֆուտբոլիստի անկրկնելի գոլը. ՏԵՍԱՆՅՈՒԹ
Բոլորը

Ազգային անվտանգության ծառայությունը զինված ուժերում բացահայտումներ է սկսել: Այսօր ոչ պաշտոնապես հայտնի դարձավ, որ հատուկ ծառայությունը խուզարկություն է իրականացրել պաշտպանության նախկին նախարար Դավիթ Տոնոյանի, ինչպես նաև ՊՆ նախկին ու ներկա այլ բարձրաստիճան պաշտոնյաների բնակարաններում: Դավիթ Տոնոյանը, ըստ մամուլի հրապարակումների, ձերբակալվել է: Ազգային անվտանգության ծառայությունը որևէ կերպ չի մեկնաբանում այս տեղեկությունը: Դավիթ Տոնոյանի հեռախոսահամարն անհասանելի էր:

Այս շենքում, որտեղ բնակվում է Տոնոյանը, հարևանները չցանկացան ԱԱԾ-ի իրականացրած խուզարկության վերաբերյալ որևէ տեղեկություն հայտնել:

Տոնոյանի ձերբակալման մասին լուրերը հաջորդեցին ԱԱԾ-ի՝ բանակում կոռուպցիոն սկանդալի բացահայտմանը: Սեպտեմբերի 25-ին հաղորդվեց ԶՈՒ-ում մոտ 4,7 մլն դոլարի չարաշահում բացահայտելու մասին, ինչի հետևանքով ձերբակալվել է նախկին բարձրաստիճան զինվորական:

ԱԱԾ մամուլի կենտրոնի փոխանցմամբ՝ ԶՈՒ ավիացիայի պետ-վարչության պետի պաշտոնը զբաղեցնող բարձրաստիճան զինվորականը, որի անունը չի նշվում, 2011 թվականից ՊՆ-ում պահեստավորված 1985-1991 թվականների արտադրության հրթիռները, իր իսկ նախաձեռնությամբ, յուրաքանչյուրը 1.100 դոլարով վաճառել է ՊՆ-ին: Ընդհանուր արժեքը կազմել է 2 միլիարդ 277 միլիոն 323 հազար 840 դրամ:

«Մատակարար ընկերության հաշվին անհիմն փոխանցվել է 4 միլիոն 655 հազար 200 դոլար գումար: Արդյունքում պետությանը պատճառվել է առանձնապես խոշոր չափերի վնաս, որն առաջացրել է նյութական ծանր հետևանքներ, մատակարարումից որոշ ժամանակ անց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 2020 թվականի սեպտեմբերի 27-ին սկսված 44-օրյա պատերազմի ժամանակ»,- նշված է ԱԱԾ-ի  հաղորդագրությունում:

2011 թվականին պաշտպանության նախարարի պաշտոնը զբաղեցրել է Սեյրան Օհանյանը, որն այժմ ԱԺ «Հայաստան» խմբակցության ղեկավարն է: Օհանյանը Factor TV-ին փոխանցեց, որ հարցաքննվել է քրեական գործի շրջանակում: Ըստ պաշտպանության նախկին նախարարի՝ այդ հրթիռների 70 տոկոսը ոչ թե իր պաշտոնավարման տարիներին է գնվել ՊՆ-ի կողմից, այլ հեղափոխությունից հետո՝ Փաշինյանի կառավարման առաջին տարիներին:

ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը չի բացառում, որ այս հրթիռների քրգործն անմիջական կապ ունի Հայաստանի ԶՈՒ-ի խոշոր մատակարարներից «Պատրոն Դավո» անունով հայտնի Դավիթ Գալստյանի հետ:

Հիշեցնենք, որ ավելի վաղ՝ այս տարվա փետրվարի 1-ին ԱԱԾ-ից հայտնել էին, որ Դավիթ Գալստյանն իրեն պատկանող ընկերության տնօրեն Ա.Բ.-ի հետ ՀՀ ԶՈՒ Գլխավոր շտաբի կարիքների համար պետք է մատակարարեր 1983-1986 թթ. արտադրության հրանոթի համապատասխան տրամաչափի կրակոցներ, սակայն, նախատեսված զինատեսակի փոխարեն, խաբեության եղանակով ՊՆ-ին մատակարարվել են 1977 թվականի չեխական արտադրության մեկ այլ տեսակի հրանոթի կրակոցներ, որոնք իրենց մարտավարական և տեխնիկական հատկանիշներով էապես զիջել են ՊՆ-ի կողմից պատվիրված զինատեսակներին: Գործարքի ընդհանուր արժեքը կազմել է 1 մլն 83 հազար դոլար:

ԱԺ նախկին պատգամավոր Արման Բաբաջանյանը Factor TV-ի հետ զրույցում նշում է՝ օրեր առաջ հանդիպել է պաշտպանության նախարար Արշակ Կարապետյանի հետ և հավաստիացումներ ստացել, որ բանակում առկա կոռուպցիոն չարաշահումների հետ կապված առաջիկայում ավելի մեծ բացահայտումներ են լինելու:

Ըստ Արման Բաբաջանյանի՝ Զինված ուժերում զինամթերքի ձեռք բերման պահին տեղյակ են եղել, որ այդ զենքերը պիտանելիության հետ կապված խնդիրներ ունեն, բայց, միևնույն է, գնվել են:

Բանակում իրականացված ենթադրյալ թալանի վերաբերյալ մեկ բացահայտում էլ 2020 թվականի մարտի 11-ին արել էր Նիկոլ Փաշինյանը: Նա հայտարարել էր, որ Սերժ Սարգսյանի իշխանությունը 42 մլն դոլարի զենք է ձեռք բերել, որը հնարավոր չէ կիրառել ռազմական գործողությունների ժամանակ: Մեկ տարուց էլ ավելի ժամանակ է անցել, բայց այս աղմկահարույց քրգործում էական բացահայտումներ չկան: Մնում է հուսալ, որ ԱԱԾ-ի՝ ժամկետանց հրթիռների ձեռքբերման մասին հաղորդագրությունն անհետևանք չի մնա:

Մանրամասները՝ տեսանյութում։

Նարեկ Կիրակոսյան