16.12.2025 | 21:33
Մաշտոցը կլինի թղթի վրա, իսկ հեռախոսները՝ միայն դասի համար. Ժաննա Անդրեասյանի արձագանքը՝ քննադատություններին
Մերկելը շնորհավորել է Շոլցին Բունդեսթագի ընտրություններում հաղթանակի կապակցությամբ
Քաղաքականություն
29.09.2021 | 18:11
Գերմանիայի կանցլեր Անգելա Մերկելը շնորհավորել է Սոցիալ-դեմոկրատական կուսակցությունից կանցլերի թեկնածու Օլաֆ Շոլցին՝ Բունդեսթագի ընտրություններում նրա կուսակցության հաղթանակի կապակցությամբ։ Այս մասին հայտնել է Գերմանիայի կառավարության մամուլի ծառայությունը, գրում է ՌԻԱ Նովոստին։
«Դաշնային կանցլերը շնորհավորել է Օլաֆ Շոլցին ընտրություններում տարած հաղթանակի կապակցությամբ»,- ասվում է մամուլի ծառայության հաղորդագրությունում:
Նշենք, որ Քրիստոնեա-դեմոկրատական կուսակցությունից Շոլցի մրցակից Արմին Լաշեթը չի շնորհավորել սոցիալ-դեմոկրատ գործչին, ինչը ՍԴԿ-ի անդամների քննադատությանն է արժանացել: Միաժամանակ, Շոլցին շնորհավորել է պահպանողական բլոկում Լաշեթի գործընկերը՝ Քրիստոնեա-սոցիալական միության առաջնորդ Մարկուս Զյոդերը:
Գերմանիայում Բունդեսթագի ընտրություններն անցկացվեցին սեպտեմբերի 26-ին: Հիմա արդեն կուսակցությունները բանակցություններ են սկսելու կոալիցիայի հնարավոր ձևավորման շուրջ։
Նախնական տվյալներով՝ խորհրդարանում ամենամեծ խմբակցությունը կունենան ընտրություններում հաղթած սոցիալ-դեմոկրատները՝ 206 պատգամավոր: ՔԴՄ/ՔՍՄ խմբակցությունը բաղկացած կլինի 196 պատգամավորից, Կանաչները խորհրդարանում կունենան 118 մանդատ, Ազատ դեմոկրատները՝ 92, «Այլընտրանքներ Գերմանիայի համար» խմբակցությունը՝ 83, իսկ Ձախերը՝ 39 պատգամավոր:
