16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Մենք պետք է հետագայում էլ աջակցենք ժողովրդավարությանը ազատ ու անկախ Արցախում. Ադամ Շիֆ
Քաղաքականություն
28.09.2021 | 16:23
Ամերիկացի կոնգրեսական Ադամ Շիֆը Արցախի դեմ Ադրբեջանի հրահրած 44-օրյա պատերազմի տարելիցի կապակցությամբ գրառում է կատարել ֆեյսբուքյան իր էջում:
«Մեկ տարի առաջ այս օրը ներքին դժգոհության բախված ավտոկրատը որոշեց պատերազմ հրահրել խաղաղ հարևանի դեմ։ 44 օրվա ընթացքում ադրբեջանական ուժերն Արցախում թիրախավորել և սպանել են անմեղ խաղաղ բնակիչների, և տեղահանել են տասնյակ հազարավոր մարդկանց։ Պատերազմը հանգեցրել է զանգվածային հումանիտար աղետի և հայ ընտանիքների զրկել իրենց հայրերից ու մայրերից, եղբայրներից ու քույրերից, որդիներից ու դուստրերից։
Չնայած հրադադարի մասին համաձայնությանը՝ Արցախի և Հայաստանի ժողովրդի դեմ Ադրբեջանի ագրեսիան շարունակվում է: Տասնյակ հայ զինվորներ մնում են ապօրինաբար ձերբակալված և խոշտանգումների են ենթարկվում: Միևնույն ժամանակ հազարավոր անմեղ քաղաքացիական անձինք դեռևս ապրում են վտանգի մեջ՝ Լեռնային Ղարաբաղում շարունակվող և պահպանվող սպառնալիքների պատճառով:
Այժմ, առավել քան երբևէ, մենք պետք է վերստին ստանձնենք պարտավորություն՝ անել ամեն հնարավորը, որպեսզի ազատագրենք և խաղաղություն բերենք տարածաշրջանին։ Մենք պետք է շարունակենք պահանջել, որ Ադրբեջանն անհապաղ և անվերապահորեն վերադարձնի բոլոր ռազմագերիներին և ձերբակալված քաղաքացիական անձանց։
Մենք պետք է շարունակենք Բայդենի վարչակազմին կոչ անել հրաժարվել Ալիևի ռեժիմին ամերիկյան օգնության տրամադրումից և ակտիվացնել խաղաղ գործընթացը։ Եվ մենք պետք է հետագայում էլ ամրապնդենք և աջակցենք ժողովրդավարությանը Հայաստանում և ազատ, անկախ Արցախում։
Ես միշտ լինելու եմ Հայաստանի և Արցախի ժողովրդի կողքին»։
