11.10.2026 | 12:45
ԱԹՍ-ների պատճառով Վլադիմիրում Yandex-ի տվյալների կենտրոնը դադարեցրել է աշխատանքը․ խնդիրներ՝ նաև Հայաստանում
Հայաստանը Օլիմպիական խաղերին կմասնակցի նաև գեղասահքում
27.09.2021 | 14:06
Գերմանիայի Օբերստդորֆ քաղաքում ավարտվել է գեղասահքի Nebelhorn Tropy 2021 վարկանիշային մրցաշարը։ Հայաստանը ներկայացնող Թինա Կարապետյան-Սիմոն Սենեկալ պարային զույգը նվաճել է Պեկին-2022 ձմեռային Օլիմպիական խաղերի ուղեգիր՝ 16 տարվա ընդմիջումից հետո. տեղեկացնում են ԿԳՄՍՆ-ից:
Օբերստդորֆ քաղաքում մրցաշարին հետևել է նաև ԿԳՄՍ նախարարի տեղակալ Կարեն Գիլոյանը։
Հայաստանը ներկայացրել է նաև մենասահորդ Սլավիկ Հայրապետյանը, որը հաջող ելույթներից հետո զբաղեցրել է 11-րդ հորիզոնականը։
Թինա Կարապետյան-Սիմոն Պրոուլքս Սենեկալ պարային զույգը Nebelhorn trophy 2021 մրցաշարի կարճ ծրագրում զբաղեցրել է 3-րդ հորիզոնականը, իսկ ռիթմիկ պարերում գրանցել են 4-րդ արդյունքը: Օլիմպիական խաղերի ուղեգիր նվաճել են 1-4-րդ տեղ գրաված զույգերը:
Այսպիսով, Գերմանիայի Օբերստդորֆ քաղաքում անցկացված գեղասահքի Nebelhorn Trophy 2021 օլիմպիական վարկանիշային մրցաշարում Հայաստանի ներկայացուցիչները երկու ծրագրերի արդյունքում վաստակել են 173.03 միավոր և գրավել չորրորդ տեղը:
