18.12.2025 | 15:06
Արման Ծառուկյանը՝ Բայդուլաևի դեմ մենամարտում տհաճ միջադեպի մասին․ ՏԵՍԱՆՅՈՒԹ
Ալիևը մանրամասներ է պատմել 2020-ի նոյեմբերի 9-ի համաձայնագրի կնքման մասին
Քաղաքականություն
24.09.2021 | 10:48
Ռուսաստանի նախագահ Վլադիմիր Պուտինը ակտիվ դեր է խաղացել Ղարաբաղում 2020 թվականի աշնանը զինված հակամարտության կարգավորման գործում, ասել է Ադրբեջանի նախագահ Իլհամ Ալիևը National Defense ամսագրին տված հարցազրույցում, գրում է ՌԻԱ Նովոստին:
«Դա նոյեմբերի 8 -ի երեկոյան էր: Եվ նոյեմբերի 9 -ին մենք պայմանավորվեցինք կրկին զանգահարել, քանի որ Վլադիմիր Վլադիմիրովիչը շատ ակտիվ դեր էր խաղում ընթացող իրադարձությունների մեջ․ նա իմ ուղերձները փոխանցում էր Փաշինյանին, իսկ նրա ուղերձները՝ ինձ։ Համաձայնագրի քննարկումն ընթանում էր մինչև ուշ գիշեր, ու կեսգիշերն անցավ։ Բաքվի ժամանակով արդեն նոյեմբերի 10-ն էր, դրա համար էլ մենք այն անվանում ենք նոյեմբերի 10-ի հայտարարությունը, իսկ Մոսկվայում նոյեմբերի 9-ն էր»,- ասել է Ալիևը։
Նրա խոսքով՝ համաձայնագրի տեքստը վերջնական տեսքով, ի վերջո, հաջողվել է համաձայնեցնել։ Ալիևը հայտարարել է, որ նա Ղարաբաղում պատերազմի մասին Պուտինին առաջին անգամ պատմել է հոկտեմբերի 7-ին՝ հեռախոսով՝ ՌԴ նախագահի ծննդյան օրը։
«Բնականաբար, մենք կանոնավոր կապ էինք պահպանում Ռուսաստանի նախագահ Վլադիմիր Վլադիմիրովիչ Պուտինի հետ ռազմական գործողությունների տարբեր փուլերում: Պատերազմի սկսվելուց հետո մեր առաջին հեռախոսազրույցը տեղի ունեցավ հոկտեմբերի 7 -ին ՝ նրա ծննդյան օրը: Ավանդաբար, ես շնորհավորում եմ Վլադիմիր Վլադիմիրովիչին ծննդյան օրվա առթիվ: Եվ դա մեր առաջին հեռախոսային շփումն էր ռազմական գործողությունների մեկնարկից ի վեր։ Մենք նաև քննարկեցինք, թե ինչպես և ինչ անել պատերազմը դադարեցնելու համար », – պատմել է Ադրբեջանի նախագահը։
Տաթև Ֆռանգյան
