16.12.2025 | 13:20
Թրամփը դատի է տվել BBC-ին` պահանջելով 5 մլրդ դոլար
Կորոնավիրուսը դարձավ ամենամահաբեր համավարակը աշխարհի պատմության մեջ․ «Ամերիկայի ձայն»
23.09.2021 | 23:14
ԱՄՆ-ում քովիդ 19 հիվանդության զոհերի թիվն այսօր ավելի մեծ է, քան գրիպ հիվանդությունից 100 տարի առաջ գրանցված մահացութան ամենաբարձր ցուցանիշը: Քովիդից զոհերի թիվն այսօր կազմում է 679 հազար, երբ 1918-ից 1920 թվականները շարունակված իսպանական գրիպը խլել էր մարդկային 675 հազար կյանք: Այսպիսով կորոնավիրուսն Ամերիկայի պատմության մեջ դարձավ ամենամահաբերը, գրում է «Ամերիկայի ձայն»-ը։
20-րդ դարի ամենամահաբեր համավարակը` իսպանական գրիպը, որով վարակվել էր աշխարհի բնակչության մեկ երրորդը` 500 միլիոն մարդ, այժմ հանդիսանում է համավարակների չափման միավոր: Այդ գրիպին այն ժամանակ զոհ էր գնացել առնվազն հիսուն միլիոն մարդ ամբողջ աշխարհում:
Քովիդ 19 հիվանդությամբ վարակվածների ու դրանից մահացած անձանց թիվն արագ աճում է Դելտա անվանումը կրող ենթատեսակի պատճառով, որը չափազանց վտանգավոր է հատկապես պատվաստումներ չստացած անձանց համար:
Հանրապետականների կողմից կառավարվող նահանգներում, օրինակ Ֆլորիդայում, Թեքսասում եւ Արիզոնայում, որտեղ իշխանությունները դեմ են պատվաստումներին ու պարտադիր դիմակ կրելու պահանջներին, վարակը բնակչության դեմ գործում է հարձակում:
Գերծանրաբեռնված հիվանդանոցներում բուժանձնակազմերը չեն հասցնում սպասարկել հիվանդներին: Դելտա տարատեսակն այսօր թիրախավորում է ավելի երիտասարդներին:
Նախագահ Ջո Բայդենը չորեքշաբթի օրը հրավիրել է առցանց գագաթաժողով, որի ժամանակ հայտարարելու է հավելյալ 500 միլիոն չափաբաժին պատվաստանյութ աշխարհի այլ երկրների նվիրաբերելու որոշման մասին: ԱՄՆ-ը հորդորում է հարուստ մյուս երկրներին եւս կատարել նվիրատվություններ, ապահովելու աշխարհում պատվաստված մարդկանց առնվազն 70 տոկոսի ցուցանիշ:
Բայց ամենամեծ խնդիրներից մեկը մնում է թերահավատությունը նաեւ ամերիկացիներից շատերի մոտ, որոնք երազում են պատվաստվելու մասին միայն այն ժամանակ, երբ վիրուսը թակում է իրենց դուռը` մինչեւ շնչահեղձություն ու մահ:
