14.09.2026 | 19:22
Պապիկյանը և Ֆրանսիայի դեսպանը քննարկել են գործակցության հեռանկարներին առնչվող հարցեր
Վրացի մի խումբ լրագրողներ ու փորձագետներ այցելել են հայկական Շուշի․ ԼՈՒՍԱՆԿԱՐՆԵՐ
Քաղաքականություն
23.09.2021 | 14:16
Վրաստանից մի խումբ լրագրողներ, բլոգերներ ու փորձագետներ, որոնք ավելի վաղ եղել են Արցախի գրավյալ շրջաններում, այժմ այցելել են հայկական Շուշի, հաղորդում են ադրբեջանական լրատվամիջոցները։
Վրացական պատվիրակության անդամներն այցելել են քաղաքի պատմամշակութային վայրեր։ Ի դեպ, չի հաղորդվում՝ արդյո՞ք վրացի լրագրողներն ու փորձագետներն այցելել են Ադրբեջանի կողմից ռմբակոծված ու ավերված Շուշիի հայկական եկեղեցիներ, մշակութային կոթողներ և ծանոթացել ադրբեջանական վայրագություններին։
Շուշիում վրացի հյուրերը հանդիպել են Ադրբեջանի նախագահի հատուկ ներկայացուցիչ Այդին Քերիմովի հետ։
Նշենք, որ վրացական պատվիրականության այցը Արցախի գրավյալ տարածքներ կազմակերպել է Վրաստանում Ադրբեջանի դեսպանությունը՝ SOCAR-ի տեղի ներկայացուցչության աջակցությամբ։
Էմմա Չոբանյան
