03.04.2026 | 15:55
«Տաք պահեք՝ կանցնի, դիմացեք»․ բնակիչներին վրդովվեցրել է կառուցապատողի պատասխանը․ ՏԵՍԱՆՅՈՒԹ
Ոստիկանությունը փնտրում է վարչապետի լուսանկարի տակ հայհոյանք գրողին
Հասարակություն
23.09.2021 | 14:04
Քննչական կոմիտեում քրեական գործ է հարուցվել «Ֆեյսբուք» սոցիալական ցանցում վարչապետ Նիկոլ Փաշինյանի լուսանկարի տակ վիրավորանք և հայհոյանք գրելու մասով։ Այս մասին Factor.am-ի հետ զրույցում տեղեկացրեց Ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանը։
«Փաստի առթիվ հարուցվել է քրեական գործ՝ Քրեական օրենսգրքի 137.1 հոդվածով՝ «Մարդուն ծանր վիրավորանք հասցնելը՝ նրա հասարակական գործունեությամբ պայմանավորված»։ Իրավապահ մարմինները միջոցներ են ձեռնարկում մեկնաբանության հեղինակի ինքնությունը պարզելու ուղղությամբ»,- նշեց Ջանոյանը։
Հիշեցնենք՝ հուլիսի 30-ին Ազգային ժողովը երկրորդ ընթերցմամբ և ամբողջապես ընդունեց հայհոյանքը քրեականացնելու վերաբերյալ նախագիծը։ Հոդվածը նախատեսում է պատիժ՝ մինչև 3 միլիոն դրամ տուգանք կամ ազատազրկում՝ մինչև երեք ամիս ժամկետով:
Ռոզա Վարդանյան
