07.11.2024 | 23:23
Թուրքիան Թրամփի նախագահության օրոք ԱՄՆ-ի կողմից մասքատուրքերի իջեցում է ակնկալում
Ստամբուլի քաղաքապետը Ֆրանսիայի նախագահական ընտրություններում իր աջակցությունն է հայտնել Փարիզի քաղաքապետին
Քաղաքականություն
21.09.2021 | 21:44
Ստամբուլի քաղաքապետ Էքրեմ Իմամօղլուն Ֆրանսիայի նախագահի ընտրությունների արշավում իր աջակցությունն է հայտնել Փարիզի քաղաքապետ Անն Իդալգոյին։ Այս մասին գրում է Duvar-ը։
Մասնավորապես, Իմամօղլուն հաջողություն է մաղթել Իդալգոյին՝ որպես նախագահի թեկնածու։ Այս մասին Ստամբուլի քաղաքապետը թվիթերյան իր էջում գրառում է կատարել։
«Իմ ընկեր ու գործընկեր Անն Իդալգոյին՝ Փարիզի քաղաքապետին, մաղթում եմ հաջողություն Ֆրանսիայի նախագահի թեկնածուի արշավում»,- գրել է նա։
Նշենք, որ ավելի վաղ Փարիզի քաղաքապետը հայտարարել էր, որ մասնակցելու է 2022 թվականի Ֆրանսիայի նախագահական ընտրություններին։ Ըստ վերջին հարցումների՝ Իդալգոն կարող է հավաքել ձայների 8 տոկոսը։
Նախագահական ընտրությունների առաջին փուլը տեղի կունենա 2022 թվականի ապրիլի 10-ին։
Սպասվում է, որ Փարիզի քաղաքապետի հիմնական մրցակիցները լինելու են գործող նախագահ Էմանուել Մակրոնը և աջ ծայրահեղական «Ազգային միավորում» կուսակցության ղեկավար Մարին Լը Պենը։
Էմմա Չոբանյան
