27.11.2024 | 15:36
Թուրքիան ամրապնդում է իր դերը որպես գլոբալ քաղաքականության դերակատար. Էրդողանը ողջունել է Լիբանանում հրադադարը
ԱՄՆ-ում կորոնավիրուսից մահացածների թիվն արդեն գերազանցել է իսպանական գրիպի համաճարակի զոհերի թիվը․ Financial Times-ի անդրադարձը
Քաղաքականություն
21.09.2021 | 23:20
Միացյալ Նահանգներում կորոնավիրուսից մահացածների թիվն արդեն գերազանցել է 20-րդ դարի սկզբին մոլեգնած իսպանական գրիպի համաճարակի զոհերի թիվը, հայտնում է Financial Times-ը:
Ըստ Ջոն Հոփքինսի համալսարանի վերջին գնահատականների՝ Միացյալ Նահանգներում կորոնավիրուսից մահացածների թիվը 675,446 է: Սա մոտավորապես նույնքան է, որքան նորագույն պատմության ամենածանր համաճարակից՝ իսպանական գրիպից ԱՄՆ-ում գրանցված մահվան դեպքերի ընդհանուր թիվը։
20-րդ դարասկզբին ճշգրիտ հաշվարկներ չեն իրականացվել, սակայն ԱՄՆ Հիվանդությունների վերահսկման և կանխարգելման կենտրոնի մոտավոր հաշվարկների համաձայն՝ ԱՄՆ-ում վիրուսից մահացել է մոտ 675 հազար մարդ: Միևնույն ժամանակ, աշխարհում առնվազն 50 միլիոն մարդ է մահացել։
Նշվում է, որ կորոնավիրուսային ներկա իրավիճակը համընկել է Միացյալ Նահանգների հարավային և արևմտյան նահանգների՝ հիմնականում չպատվաստված քաղաքացիների շրջանում լուրջ հիվանդությունների և հոսպիտալացումների նոր ալիքի հետ:
«Դելտա» շտամի տարածումը, ըստ փորձագետների, առավել տուժած նահանգներում առողջապահական համակարգը կանգնեցնում է ճգնաժամի առաջ և սպառնալիքի տակ դնում ԱՄՆ տնտեսության վերականգնումը։
Տաթև Ֆռանգյան
