17.09.2026 | 10:00
Ազգային ժողովի նիստը՝ ՈՒՂԻՂ
Պեսկովը հայտարարել է, թե ՌԴ-ն ցավում է Ղրիմի հարցում Թուրքիայի դիրքորոշման համար ու շեշտել՝ Անկարան Մոսկվայի գործընկերն է
Քաղաքականություն
21.09.2021 | 15:08
Կրեմլում ցավում են, որ Թուրքիան չի ճանաչում Պետական Դումայի ընտրությունների արդյունքները Ղրիմում և հույս հայտնում, որ Անկարայի դիրքորոշումը թերակղզու վերաբերյալ կփոխվի։ Այս մասին լրագրողների հետ զրույցում հայտարարել է ՌԴ նախագահի խոսնակ Դմիտրի Պեսկովը, գրում է ՏԱՍՍ-ը։
«Մենք չենք ընդունում այդպիսի հայտարարությունները և բաց ասում ենք այդ մասին մեր թուրք գործընկերներին։ Ղրիմի թեման այն հարցն է, որի շուրջ մեր դիրքորոշումները տրամագծորեն տարբերվում են։ Մենք ցավում ենք Թուրքիայի նման դիրքորոշման կապակցությամբ, սակայն հույս ենք հայտնում, որ ժամանակի ընթացքում քաղաքական կամք կցուցաբերվի և Թուրքիան կփոխի իր այդ դիրքորոշումը՝ տուրք տալով ճշմարտությանն ու իրավիճակին»,- ասել է Պեսկովը։
Նա հավելել է, որ Թուրքիան հանդիսանում է Ռուսաստանի գործընկերը և «էական հարցերի առկայությունը, որոնց շուրջ կան տարաձայնություններ, չպետք է խոչընդոտ հանդիսանա երկկողմ հարաբերությունների ամբողջ համալիրի զարգացման և մի շարք տարածաշրջանային հարցերում համագործակցության համար»։
Հիշեցնենք՝ նախօրեին Պեսկովը հայտարարել էր, որ նախապատրաստվում է Թուրքիայի նախագահի աշխատանքային այցը ՌԴ և հանդիպումը նախագահ Վլադիմիր Պուտինի հետ։
Էմմա Չոբանյան
