05.05.2024 | 21:52
7 ոսկի և 2 արծաթ. Հայաստանի հավաքականը ավարտեց ելույթները ուշուի ԵԱ-ում
Մոսկվան համապատասխան եզրակացություններ է անում, որոնք չեն նպաստում Թուրքիայի հետ երկկողմ հարաբերություններին. Զախարովա
Քաղաքականություն
21.09.2021 | 13:12
Մոսկվան ուշադրություն է դարձրել Ղրիմում ընտրությունները չճանաչելու մասին Թուրքիայի ԱԳՆ հայտարարությանը և համապատասխան եզրակացություններ է անում։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՌԻԱ Նովոստին:
Թուրքիայի ԱԳՆ-ն ավելի վաղ հայտնել էր, որ Ղրիմում Պետդումայի ընտրությունները, որոնք տեղի են ունեցել սեպտեմբերի 17-19-ը, Թուրքիայի համար իրավական ուժ չունեն, քանի որ Անկարան չի ճանաչում թերակղզու միացումը Ռուսաստանի Դաշնությանը:
«Թուրքիան շատ լավ գիտի, որ Ղրիմը Ռուսաստանի Դաշնության ինքնիշխան մասն է, և շատ լավ գիտի, որ մենք երբեք չենք անտեսում նման հայտարարությունները: Եթե նրանք չեն հոգնել Մոսկվայից համապատասխան դիտողություններ, հիշեցումներ և կշտամբանքներ լսելուց, ապա համբերատար են։ Բայց դա ոչ մի բանի չի հանգեցնում՝ բացի այն հանգամանքից, որ մենք անում ենք համապատասխան եզրակացություններ, որոնք ակնհայտորեն չեն նպաստում երկկողմ հարաբերությունների զարգացմանը»,- ասել է Զախարովան «Սոլովյով Live»-ի եթերում:
Տաթև Ֆռանգյան
