17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Մրգաշեն գյուղում կատարված դանակահարությունը բացահայտվել է
Հասարակություն
18.09.2021 | 14:29
Սեպտեմբերի 17-ին, ժամը 20.20-ին, հիվանդանոցից ոստիկանության Նաիրիի բաժնում հաղորդում է ստացվել, որ «կրծքավանդակի ձախ կեսի կտրած-ծակած վերք, աջ նախաբազկի կտրած-ծակած վերք» ախտորոշմամբ բուժօգնության է տեղափոխվել Մրգաշեն գյուղի բնակիչ 34-ամյա մի տղամարդ։
Հիվանդանոց է մեկնել օպերատիվ խումբ։
Ոստիկանության Կոտայքի մարզային վարչության, Նաիրիի և Կոտայքի բաժնի ծառայողների համատեղ ձեռնարկած օպերատիվ-հետախուզական միջոցառումների արդյունքում պարզվել է, որ սեպտեմբերի 17-ին, ժամը 18.30-ի սահմաններում, Մրգաշեն գյուղի 8-րդ փողոցում ծագած վիճաբանության ժամանակ, տուժածին դանակով հարվածել և վնասվածքը պատճառել է համագյուղացի 53-ամյա տղամարդը։ Բացատրական աշխատանքների արդյունքում նա նույն օրը, ժամը 23.10-ին ներկայացել է բաժին և տվել խոստովանական բացատրություն:
Դեպքի հանգամանքները պարզվում են։
Կատարվում է նախաքննություն:
