15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Թուրքիայի առաջին ազգային Türksat 6A արբանյակն ուղեծիր դուրս կբերի ամերիկյան SpaceX ընկերությունը
Քաղաքականություն
17.09.2021 | 22:32
Թուրքիայի առաջին ազգային հեռահաղորդակցման արբանյակը` Türksat 6A-ն, ուղեծիր դուրս կբերի ամերիկյան SpaceX ընկերությունը, գրում է Անադոլու գործակալությունը։ Ինչպես հաղորդել է Թուրքիայի տրանսպորտի ու ենթակառուցվածքների նախարար Ադիլ Քարաիսմաիլօղլուն, Türksat AŞ-ն արդեն պայմանագիր է կնքել SpaceX-ի հետ արձակման ծառայությունների մատուցան համար։
Նա նշել է, որ նախարարության, TÜBİTAK- ի և Türksat A- ի միջև երկրի նախագահ Ռեջեփ Թայիփ Էրդողանի մասնակցությամբ պաշտոնապես ստորագրվել են արբանյակի նախագծային համաձայնագրերը և այլ լրացուցիչ արձանագրություններ։
«Ծրագրի շրջանակներում ինժեներական մոդելի ինտեգրացիոն աշխատանքներն ավարտվել են, սկսվել է թեստավորման փուլը։
2021-ին սպասվում է արբանյակի ամառային մոդելի ինտերագրացիոն աշխատանքների ավարտը ու բնապահպանական փորձարկումների փուլի մեկնարկը»,- ասել է թուրք նախարարը՝ նշելով, որ նախագիծը Թուրքիային հնարավորություն կտա մտնել մտնել հեռահաղորդակցության արբանյակներ արտադրող երկրների տասնյակ։
«Արբանյակի արտադրությունն ու փորձարկումը նախատեսվում է ավարտել 2022-ի ավարտին, իսկ արձակումը պլանավորված է 2023թ․ առաջին եռամսյակում»,- ասել է Քարաիսմաիլօղլուն։
Նոր հեռահաղորդակցման արբանյակը հնարավորություն կտա բարելավել հեռուստաալիքների հեռարձակումը, ընդլայնել լայնաշերտ ինտերնետի հնարավորությունները և ապահովել ավելի որակյալ GSM կապ Եվրոպայի, Ասիայի ու Աֆրիկայի երկրներում։
Էմմա Չոբանյան
