19.11.2024 | 18:32
Երևանաբնակ 100-ամյա տարեցները 1-ական մլն դրամ կստանան․ ՏԵՍԱՆՅՈՒԹ
Իսկ ո՞ր քարտեզներով առաջնորդվենք, Տիգրան Մեծի՞. Անդրանիկ Քոչարյան. ՏԵՍԱՆՅՈՒԹ
Քաղաքականություն
17.09.2021 | 12:15
«Իսկ ի՞նչ քարտեզ պետք է հայտնվեր, Տիգրան Մեծի քարտեզից սկսե՞նք»,- ԱԺ ճեպազրույցների ժամանակ նշեց ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը՝ անդրադառնալով հարցին, որ եթե Ադրբեջանը 1991 թվականին չի ընդունել Սովետական Ադրբեջանի իրավահաջորդ լինելը, ապա ինչո՞ւ են այսօր ԽՍՀՄ քարտեզները հայտնվել բանակցությունների սեղանին և դրանցով են որոշվում սահմաները:
«Ես շատ լավ հասկանում եմ՝ էդ հարցն ինչի համար է տրվել։ Եվ շատ լավ հասկանում եմ, որ հիմա մենք, երբ խոսում ենք դեմարկացիայի ու դելիմիտացիայի մասին, այդ ճշտումների մեջ կմտնեն նաև այդ հարցերի պատասխանները։ Այսինքն՝ մենք հիմա այդ փուլից դուրս ենք և ուզում ենք նախօրոք կանխորոշենք, թե ինչ ճանապարհ ենք անցնելու։ Իհարկե, մենք պետք է պահպանենք մեր շահերը, Ադրբեջանը փորձելու է պահպանել իր նպատակներն ու ցանկությունները։ Բայց դա տարիների ընթացք է լինելու, որը կարող է տևել տասնամյակներ։ Ինչ-որ սահման պետք է դնել, և այդ սահմանի շուրջ պետք է սկսենք խոսել, խոսելուց հետո մեր իրավունքները պետք է կարողանանք պաշտպանել»,- նշեց Քոչարյանը։
Մանրամասները՝ տեսանյութում:
