Քաղաքականություն
19.03.2018 | 16:50««Ելք» դաշինքի մաս կազմող երեք կուսակցություններից յուրաքանչյուրը կարող է իր անելիքների վերաբերյալ որոշում ունենալ, որը 100 տոկոսով հնարավոր է՝ չհամընկնի գործընկերների հետ»,- այսօր «Ելք» խմբակցությունում մոտ երեք ժամ տևած քննարկումից հետո՝ ասաց խմբակցության ղեկավար Նիկոլ Փաշինյանն՝ անդրադառնալով Սերժ Սարգսյանի հնարավոր վարչապետության դեմ փողոցային պայքար սկսել-չսկսելու շուրջ դաշինքում առկա տարաձայնություններին:
Ընդդիմադիր գործչի խոսքով՝ եթե մինչ այժմ դաշինքի ձևաչափով ընթացող քննարկումների պատճառով կուսակցություններն առանձին-առանձին որևէ որոշում չէին կայացնում, ապա այսուհետ դաշինքային ձևաչափով քննարկումները խորընդոտ չեն, որ կուսակցություններն ունենան իրենց որոշումը:
Factor.am-ի հարցին՝ երեք կուսակցությունները «Քաղաքացիական պայմանագիր» կուսակցության ներկայացրած ճանապարհային քարտեզի վերաբերյա՞լ են որոշում կայացնելու, Փաշինյանն արձագանքեց. ««Քաղաքացիական պայմանագիր» կուսակցությունը ներկայացրել էր իր ճանապարհային քարտեզը: Էս քննարկումների ընթացքում կուսակցությունները հայտնում են իրենց մոտեցումներն ու պատկերացումները: էդ մոտեցումներում կան նաև տարբերություններ»:
Ըստ Փաշինյանի՝ անգամ իրենց կուսակցությունում գործողությունների վերաբերյալ մի քանի տարբերակ:
Մանրամասները՝ տեսանյութում
