15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Բազմաղբյուր գյուղում երկու տղամարդ դանակահարել էին իրար
Հասարակություն
10.09.2021 | 17:03
Սեպտեմբերի 8-ին, ժամը 1.30-ի սահմաններում, մի կին ոստիկանության Աշտարակի բաժին էր ահազանգել, թե Բազմաղբյուր և Նազրվան գյուղամիջյան ճանապարհին մի քաղաքացու են դանակահարել։ Րոպեներ անց նույն դեպքի վերաբերյալ ևս երկու հաղորդում ստացվեց «Աշտարակ» բժշկական կենտրոնից. մարմնի ծակած-կտրած վերքերով 37 և 38 տարեկան երկու տղամարդ էին հիվանդանոց տեղափոխվել. մեկը՝ Փարպի, մյուսը Բազմաղբյուր գյուղի բնակիչ. տեղեկացնում են ՀՀ ոստիկանությունից:
Հանցագործությունը բացահայտվեց քրեական հետախույզների արագ և օպերատիվ աշխատանքի շնորհիվ։ Ձեռնարկված անհետաձգելի միջոցառումներով տեղեկություններ ստացվեցին, որ ժամը 1-ի սահմաններում հիվանդանոց դիմած տղամարդիկ Բազմաղբյուր գյուղում, անձնական հարցերի շուրջ ծագած վիճաբանության ժամանակ, դանակահարել են իրար։
Դեպքի առթիվ Արագածոտնի մարզի քննչական վարչությունում հարուցվել է քրեական գործ։
Փարպի գյուղի բնակիչ 37-ամյա տղամարդը ձերբակալվել է։
Հանգամանքները նախաքննությամբ պարզվում են։
