Տնտեսություն
09.09.2021 | 13:12ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանի նախաձեռնությամբ աշխատանքային հանդիպում է Հայաստանի և Արցախի մարդու իրավունքների պաշտպանների հետ:
Հայաստանի Մարդու իրավունքների պաշտպան Արման Թաթոյանն ընդգծեց, որ հետպատերազմյան Արցախի ու Հայաստանի խնդիրները նույնաբնույթ են:
Նա առանձնացրեց հայկական երկու պետություններում ակնհայտ կյանքի իրավունքի խախտումներն ու սահմանային բնակավայրերում առկա վտանգները:
«Խոսքը վերաբերում է պարբերական կրակոցներին, որը դառնում է թիրախային, և անգամ տների ուղղությամբ են սկսում կրակել: Ինքնին ադրբեջանցիների ներկայությունը կյանքի իրավունքի խախտում է: Նաև հարձակումներ են լինում քաղաքացիական անձանց, օրինակ` հովիվների վրա, սպառնալիքներ են հնչեցնում, մարդիկ իրենց հողը մշակում են, Ադրբեջանի ԶՈՒ ներկայացուցիչներն անօրինական գալիս ասում են` սա մեր հողն է»,- նշեց Թաթոյանը:
Նա նաև ուշադրություն հրավիրեց այն խնդրին, որ Հայաստանում կան գյուղեր, որտեղ չակ ո’չ խմելու, ո’չ էլ ոռոգման ջուր:
«Սա այն պատճառով, որ ադրբեջանական զինված ուժերը ներկա են այն ջրավազանների մոտ կամ կամ դրանք իրենց վերահսկողության ներքո են, որից ջուր է ստանում գյուղը»,- ասաց Թաթոյանը:
ՄԻՊ-ն անդրադարձավ ինֆորմացիոն հարձակումներին: Նա նաև ընդգծեց, որ Ադրբեջանի կողմից գերիների շարունակաբար չվերադարձնելը, գերիների թվերը չհրապարակելը, ինչը անհետ կորածների ծնողներին, ընտանիքներին, նաև հասարակությանը հոգական տառապանք է պատճառում:
Թաթոյանն անդրադարձավ նաև սոցիալ-տնտեսական բնույթի խնդիրներին. «Օրինակ՝ մարդիկ վարկ են վերցրել, ներդրումներ արել Արցախի տարածքում, Սյունիքի մարզում, խոշոր եղջերավոր կենդանիներ են գնել, բայց ադրբեջանցիները գողացել են դրանք: Խնդիրն այն է, որ մարդը շարունակում է վարկը վճարել, վարկ է վերցրել, որ ներդրում անի, եկամուտ ստանա, հիմա ենթադրյալ եկամտի աղբյուրը չկա, բայց ստիպված է վճարել վարկերը: Ես տրամաբանորեն չեմ պատկերացնում` ինչպես պետք է մարդը շարունակի վճարել այն գույքի կամ կենդանիների համար, որն այլևս չկա»,- նշեց ՄԻՊ-ը՝ հավելելով, որ գրավոր առաջարկներ կներկայացնի կառավարությանը:
Մանրամասները՝ տեսանյութում:
