30.07.2026 | 19:50
Եվրոպոլում նշանակվել է ՆԳՆ կապի սպա, որը համակարգում է Հայաստանի իրավապահ համակարգի աշխատանքը Եվրոպոլի հետ․ ՆԳ նախարար
ԵՄ-ում համաձայնեցրել են ռուսաստանցի անհատների դեմ պատժամիջոցների երկարաձգման հարցը
Քաղաքականություն
08.09.2021 | 18:05
ԵՄ երկրների մշտական ներկայացուցիչների կոմիտեն (Coreper) չորեքշաբթի համաձայնեցրել է «Ուկրաինայի տարածքային ամբողջականության, ինքնիշխանության և անկախության խաթարման համար» ռուս անհատների և կազմակերպությունների դեմ պատժամիջոցները վեց ամսով երկարացնելու վերաբերյալ որոշումը։ Այս մասին «Ինտերֆաքս»-ին հայտնել է Բրյուսելում իր աղբյուրը:
Այժմ ԵՄ խորհուրդը պետք է ընդունի պաշտոնական բանաձևը՝ համաձայն մշտական ներկայացուցիչների համաձայնեցված գրավոր ընթացակարգի։ Այն ուժի մեջ կմտնի ԵՄ «Պաշտոնական տեղեկագրում» հրապարակվելուց հետո:
Այս պահին պատժամիջոցների ցուցակում կա 177 ֆիզիկական եւ 48 իրավաբանական անձ:
Պատժամիջոցները ներառում են Եվրամիության երկրներ ճանապարհորդության սահմանափակումներ, ֆինանսական ակտիվների սառեցում և պատժամիջոցների ցուցակում ընդգրկված անձանց միջոցների կամ այլ տնտեսական ռեսուրսների տրամադրման արգելք:
Տաթև Ֆռանգյան
