30.07.2026 | 22:43
Հունաստանում անտառային հրդեհները շարունակում են տարածվել․ Կրետեում դրանք տարհանման և հրշեջների մահվան պատճառ են դարձել
Անգելա Մերկելը վերջին անգամ ելույթ է ունեցել Բունդեսթագում
Քաղաքականություն
07.09.2021 | 17:25
Գերմանիայի կանցլեր Անգելա Մերկելը սեպտեմբերի 7-ին վերջին անգամ ելույթ է ունեցել Բունդեսթագում՝ խորհրդարանական ընտրությունների շեմին, գրում է korrespondent-ը։
Նա խոսել է կլիմայի փոփոխության դեմ պայքարի, «կանաչ» էներգիայի զարգացման, ահաբեկչության և կիբերհանցագործությունների դեմ պայքարի մասին: Մերկելը նաև պատվաստվելու կոչ է արել:
Կանցլերը սատարել է Քրիստոնեա-դեմոկրատական և քրիստոնեա-սոցիալիստական միությունների թեկնածու Արմին Լաշեթին:
«Կարևոր է, թե ով կլինի հաջորդ կառավարությունում: Կա՛մ կլինի սոցիալ-դեմոկրատների և կանաչների կառավարություն, որը հաշվի կառնի ձախերի աջակցությունը, կա՛մ գոնե չի բացառի իրադարձությունների նման զարգացումը»,- ասել է նա:
Դահլիճից ձախերի կուսակցության կողմից բղավոցներին ի պատասխան՝ Մերկելը նշել է, թե «պարզապես ճշմարտությունն է ասում»։
Գերմանիայում խորհրդարանական ընտրությունները նախանշված են սեպտեմբերի 26-ին: Դրանցից հետո 30 օրվա ընթացքում կնշանակվի նոր կանցլեր: Տեսականորեն Մերկելը դեռևս կարող է ելույթ ունենալ նոր Բունդեսթագի առջև, քանի որ կարող է մնալ կանցլերի պաշտոնակատար՝ մինչև կոալիցիայի ձևավորումը և նոր կանցլերի նշանակումը։
Տաթև Ֆռանգյան
