30.07.2026 | 19:50
Եվրոպոլում նշանակվել է ՆԳՆ կապի սպա, որը համակարգում է Հայաստանի իրավապահ համակարգի աշխատանքը Եվրոպոլի հետ․ ՆԳ նախարար
Բելառուսում ընդդիմադիր առաջնորդներին 10 և 11 տարվա ազատազրկման են դատապարտել
Քաղաքականություն
06.09.2021 | 15:46
Բելառուսական ընդդիմության առաջնորդներից մեկը՝ Համակարգող խորհրդի նախագահության անդամ Մարիա Կոլեսնիկովան, դատապարտվել է 11 տարվա ազատազրկման: Սեպտեմբերի 6-ին Մինսկի շրջանային դատարանը նրան մեղավոր է ճանաչել Բելառուսի Քրեական օրենսգրքի երեք հոդվածներով՝ իշխանությունը զավթելու դավադրության, ծայրահեղական խումբ ստեղծելու և ազգային անվտանգությանը սպառնացող գործողությունների հրապարակային կոչերի մեջ, գրում է DW-ի ռուսական ծառայությունը:
Միևնույն ժամանակ, դատարանը բելառուսական ընդդիմության նախագահության մեկ այլ անդամ Մաքսիմ Զնակին դատապարտել է 10 տարվա ազատազրկման՝ նրան մեղավոր ճանաչելով ծայրահեղական խումբ ստեղծելու և իշխանությունը զավթելու դավադրության մեջ:
Մարիա Կոլեսնիկովան, որը 12 տարի ապրել է գերմանական Շտուտգարտում և Բելառուս է վերադարձել 2020 թվականին, որտեղ դարձել է նախագահի ընդդիմադիր թեկնածու Վիկտոր Բաբարիկոյի շտաբի համակարգողը: Սակայն Բաբարիկոյի ձերբակալությունից հետո նա դարձել է Լուկաշենկոյի ռեժիմի դեմ բողոքի առանցքային դեմքերից մեկը:
Կոլեսնիկովան բերման է ենթարկվել սեպտեմբերի 8-ին՝ բելառուսա-ուկրաինական սահմանին: Բելառուսի սահմանապահ ծառայություն վարկածի համաձայն՝ նա ընդդիմադիրներ Իվան Կրավցովի և Անտոն Ռոդնենկովի հետ փորձել է հատել սահմանը, սակայն բերման է ենթարկվել։
Փաստաբան Մաքսիմ Զնակը ևս ձերբակալվել է սեպտեմբերին։
Տաթև Ֆռանգյան
