20.05.2026 | 16:40
Արթուր Օսիպյանի հետապնդումը անհիմն է ու քաղաքականապես մոտիվացված․ մի շարք ՀԿ-ների հայտարարությունը
Թուրքիան մտահոգություն է հայտնել ՌԴ անվտանգության ուժերի կողմից Ղրիմի թաթարների Մեջլիսի փոխնախագահի ձերբակալության կապակցությամբ
Քաղաքականություն
06.09.2021 | 14:38
Թուրքիան մտահոգված է Ղրիմում ՌԴ անվտանգության ուժերի կողմից Ղրիմի թաթարների Մեջլիսի փոխնախագահ Նարիման Ջելյալի ձերբակալության կապակցությամբ։ «Անադոլու» գործակալության փոխանցմամբ՝ այս մասին հայտարարել է Թուրքիայի ԱԳՆ խոսնակ Թանժու Բիլգիչը։
Նրա խոսքով՝ Ջելյալը ձերբակալվել տանից և տարվել անհայտ ուղղությամբ։ Մինչ այս պահը նրանից ոչ մի տեղեկություն չկա, նշել է Բիլգիչը։
«Մենք անհանգստացած ենք Նարիման Ջելյալի և չորս այլ Ղրիմի թաթարների ձերբակալության կապակցությամբ և ցանկանում ենք նրանց շուտափույթ վերադարձ»,- հայտարարել է Թուրքայի ԱԳՆ խոսնակը:
Ջելյալի կալանավորման մասին ավելի վաղ սոցցանցի իր էջում հայտնել էր Ղրիմի թաթարների Մեջլիսի խոսնակ Ռեֆաթ Չուբարովը:
Տաթև Ֆռանգյան
