14.10.2026 | 20:44
Իրանամետ հաքերները ստանձնել են Ադրբեջանի դեմ կիբերհարձակման պատասխանատվությունը՝ պատճառ նշելով հիջաբ կրելու արգելքը
Սեֆիլյանը հայտարարում է, որ իրեն սպառնացել են ոչնչացնել
17.03.2018 | 16:40
«100-ամյակն առանց ռեժիմի» շարժման և Հիմնադիր խորհրդարանի առաջնորդ Ժ. Սեֆիլյանի, ընդդիմադիր ակտիվիստ Գ. Սաֆարյանի և մյուսների գործով այսօրվա դատական նիստին գործով անցնող անձինք պաշտպանական ճառով հանդես եկան:
Իր ճառում Ժիրայր Սեֆիլյանը նշեց, որ իր խոսքն ուղղված չէ «Սերժ Սարգսյանի գործիք այս կեղծ դատարանին», այլ մեր ժողովրդին և միջազգային հանրությանը:
«Բոլորովին անիմաստ պետք է լիներ, եթե ես հանդես գայի պաշտպանական խոսքով, ինչպես ընդունված է դասական դատավարական գործընթացի պարագայում:
Ուստի, այս առիթն օգտագործելով, կխոսեմ ըստ էության, թե ի՞նչ է կատարվում, ինչու՞ ենք մենք այստեղ և ի՞նչ պետք է անենք»,-ասաց Սեֆիլյանը:
Նա նշեց, որ բոլորի համար ակնհայտ դարձավ, որ իրականում տեղի է ունենում բացահայտ և պատվիրված քաղաքական հալածանք և բռնություն, ինչի համար թե՛ պատվիրողը, և թե՛ «կատարածու դատավոր-դատախազները» ոչ ուշ ապագային պատասխան են տալու ինքնիշխան Հայաստանի անկախ դատարանի, Հայկական Նյուրնբերգի առաջ՝ իշխանության յուրացման, համակարգային կոռուպցիայի և Հայրենիքի դավաճանության գործի շրջանակներում:
Ժիրայր Սեֆիլյանն իր ճառի ընթացքում առանձնացրեց իրենց շարժման նկատմամբ տեղի ունեցած բռնության ու հալածանքի դեպքերից երկուսը. «Դրանք կոնկրետ ինձ են վերաբերվում: Եվ ինձ վերաբերվող դեպքերին եմ անդրադառնում, քանի որ տվյալ իրավիճակում յուրօրինակ վկայի կարգավիճակ ունեմ մեր ժողովրդի և միջազգային համայնքի առաջ՝ իմ՝ անմիջական ականատեսի խոսքով վկայելու Կրեմլյան հանցավոր ռեժիմի և նրա խամաճիկ երևանյան ռեժիմի ոճրագործ բնույթի մասին»,-ասաց նա՝ հայտարարելով, որ իրեն փորձել են ոչնչացնել անգամ:
Սեֆիլյանը նշեց, որ իրեն ահաբեկելու դեպքերից մեկի մասին ժամանակին անմիջապես տեղեկացրել է հանրությանը և, ի պատասխան իր դեմ տարվող գործողությունների, պարզապես խորհուրդ է տվել.«Զեկուցեք Ձեր ղեկավարությանը, որ Հայաստանը տեր ունի և մենք գտնվում ենք մեր հողի վրա ու ազատ ենք մեր գործունեությամբ, իսկ դուք շուտով ռադներդ քաշելու եք մեր երկրից»:
